2 Samuel 3:29 - Uwumbɔr aagbaŋ

²⁹ Waakun ngbaan aatafadaan lir Joab ni waadichal pu. N‑yoonn mɔmɔk kan, waamaal ponn ni aajab ubaa li kpa ulool aabuun, bee tiwon aaween i bir na ibaa, bee u li ye uja u ga ŋmaa tun bipiib aatuln baanja na, bee bi ku u butɔb ni, bee u taa li kpa u ji.”

2 Samuel 3:29 ပူးပေါင်းရင်းမြစ်များ

2 Samuel 1:16

Le David bui Amalek aanii ngbaan ke, “Sin le joo ni nimina aabaa pu. Buyoonn aa kii ke sin le ku Uwumbɔr aah lee unii u ubɔr na, le aa ku aabaa.”

2 Samuel 16:8

Aa nan gaa Sɔɔl aanaan, le dandana Uwumbɔr bi dar aatafal, saah ku Sɔɔl aanib sakpen pu na pu. Uwumbɔr di nnaan ngbaan tii aajapɔɔn Absalom, le saamɔfal kuln, sin unikur wee.”

2 Samuel 3:28

David aah ŋun tibɔr ngbaan na, le u bui ke, “Uwumbɔr nyi ke m ni maanib aaŋaal aa bi Abner aakun mue ni.

2 Bibɔrb 5:1

Naamann nan ye Siria aatɔb aajab aayidaan la, le ki kpa kipak, le Siria aabɔr nan nyuŋ u sakpen. U pu le Uwumbɔr nan cha Siria aajab kan linyaŋ butɔb ni pam. U nan ye butɔb aajakpaan la, le ki mu tee kpa tiwon aaween i bir na.

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

Ilahn 7:17

M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Liifai Yaab 15:2

ke bi di mɔk Israel yaab. N‑yoonn mu uja aachakpaln ni ti nyan tinar na kan, tinar ngbaan pu na, waa ki bi chain.

Nkahm 35:33

Ni yaa ŋa kina kan, ni ga bii kitiŋ ki ni koo ki ponn ni na. Linikul bii kitiŋ la, le unii yaa ku uken kan, see bi ku udaan ngbaan mu, naa ye kina kan, kitork kibaa aa ki bi, ni ga ŋmaa toor ki ŋaŋ baah ku unii kitiŋ ki pu na.

Lituln 28:4

Waah juu dab uŋaal ki jɔn na, le kitiŋ ngbaan ponn ni aanib kan, ki bui tɔb ke uja ngbaan ye unikur, le ki nyan ni nnyusakpem ni; Uwumbɔr mu aan cha u ŋmar.

Ikaal 21:6

Le biyidam bimɔk nyan ni kitiŋ ki linikpol ngbaan dɔ gbɔk na ŋir biŋaal unaasal ngbaan pu,

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Bibɔjirb 9:24

Nimina nan ŋa kina ke Abimelek ni Sekem aatiŋ aajab bi nan pai u aan u ku Gideonn aajapɔtiib imonko itaa ni kipiik na kan baatunwanbir aatafadaan la.