2 Samuel 3:14 - Uwumbɔr aagbaŋ

¹⁴ Le David mu tun Isbosef chee ke, “Giin mpuu Mikal tii ni mi. M nan di Filistia yaab aajawan aagban nkub le pan u pu ki yoor u.”

2 Samuel 3:14 ပူးပေါင်းရင်းမြစ်များ

2 Samuel 2:10

U nan ye ŋibin imonko ilee aanii le ki jin nnaan ngbaan, le ki nan kal nnaan aajal pu, ki ti saa ŋibin ŋilee. Tɔ, Juda aanib nan si David aachaŋ ni,

2 Samuel 3:15

Le Isbosef gaa u uchal Paltiel u ye Lais aajapɔɔn na chee.

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

Matiu 1:18

Baah ga nan ma Yesu Kristo na, le bi nan puu ke bi ga di una Mari ki di tii Josef. Baa nan kee kunn u, le bi kan ke u kpa lipuul Uwumbɔr Aafuur Nyaan pu.

1 Samuel 18:25

Le Sɔɔl ki bui bi ke bi ti tuk David ke, “Ubɔr aah ban tichoowan ni aa chee na le ye Filistia aajab aanikpol aanimbiin ni aawan aagban nkub, ke u di teen waadim.” Sɔɔl aah nan kpokl pu ke Filistia yaab ku David na le bi na.

1 Samuel 18:27

David ni waajab nan buen ti ku Filistia aajab ikui ilee la. U nan joo ni, ki nan kahn binimbiin ni aawan aagban ngbaan ubɔr aanimbiin ni, ke u kpaln ubɔr aachool. Kina pu na, Sɔɔl nan di ubisal Mikal tii David.

1 Samuel 25:44

N‑yoonn mue na, Sɔɔl nan di ubisal Mikal, u nan ye David aapuu na tii Lais aajapɔɔn Palti, u nyan ni Galim aatiŋ ni na.