2 Samuel 24:7 - Uwumbɔr aagbaŋ

⁷ Bi nan nyan nima, le ki buen liwipuul aaŋangii wɔb, ki ti fuu Taya aatiŋ ki bi maa ŋigon gob ki na ni, ki nyan nima, ki buen Hif ni Kanaann yaab aatim mɔmɔk ni, le ki di Beerseba, ni bi Juda aawipuul aaŋangii wɔb na, gbiln puwɔb.

2 Samuel 24:7 ပူးပေါင်းရင်းမြစ်များ

2 Samuel 24:2

Kina pu le David bui waajab aaninkpel Joab ke, “Di saaninkpiib, ki bɔ dii Israel aanibol mɔmɔk aatim ni, ki kahn binib ngbaan. M ban m bee baah wiir pu na la.”

2 Samuel 24:8

Kina pu na, iŋmal iwae ni iwiin moninko aapuwɔb, baah chuun kitiŋ ngbaan aapepel mɔmɔk na, le bi gir ni Jerusalem ni.

Sekaria 9:3

Taya maa ŋigon gob kaatim mu kpa tijawan na kiir kibaa, le ki kuun tikunabr ni salmaa, le ni ti gur wiir ke titan na.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 19:28

ni Ebronn, ni Rehob, ni Hamonn, ni Kana aatim ni, le ki di ti pii kitikpaan Saidonn ni.

Josua 19:29

Le kaanaanmɔk ki yoor ki fenn ki ti nyan Rama aatiŋ ni, ki di kina ti ker Taya aatiŋ ki bi maa ligoln mann gonn ki na, le ki fenn ti nyan Hosa aatiŋ ni, le ki ti doo Kaasisik ni Aanyusakpem mɔk. Kitiŋ ngbaan aatim le nan ki ye Mahalab, ni Aksib,

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.