2 Samuel 24:24 - Uwumbɔr aagbaŋ

²⁴ Le Ubɔr David bui u ke, “Aayii, m ga pa si li pu la. Maan di tiwan ni maa pan ni pu na toor kitork tii Ndindaan Uwumbɔr,” le ki pan lidipoipaal, ni inaa ngbaan pu, tikunabr aamombil kipiik ni ŋiŋmu,

2 Samuel 24:24 ပူးပေါင်းရင်းမြစ်များ

Mpiin 23:11

“Li pel, uninkpel, m ga di bukpaab ngbaan mɔmɔk, ni kitakpaluŋ ki bi bu ponn ni na mu ki di tii si. M ga di ki tii si, ndo yaab aanimbil ni, nima kan, aa ga ŋmaa di aapuu sub.”

Mpiin 23:13

le ki bui Efronn, binib ngbaan mɔmɔk aatafal ni ke, “M gaŋ si, li pel, m ga li gee ke m daa kitiŋ ngbaan mɔmɔk. M ga pa saah ban pu na, aan ki di mpuu sub nima chee.”

Mpiin 23:16

Abraham nan kii tii u, le ki kahn ŋimombil ngbaan pan u, waah nan tuk u waanib aatafal ni pu na. Ŋimombil ngbaan nan ye baah joo pu tiir kitiir na la.

1 Bibɔrb Aabɔr 21:1

Kinimbɔŋ nan ban tibɔr tii Israel yaab, kina le ki nan cha David ŋa nlandak ke u kahn waanib.

1 Bibɔrb Aabɔr 22:1

Le David bui ke, “Tidindaan Uwumbɔr Aadichal aah ga sil nin chee na sɔ. Kitork aabimbiln li pu Israel aanib ga li joo baapiin seer mmii ni tii Uwumbɔr na sɔ.”

Rom Yaab 12:17

Unii yaa ŋa si bakaa kan, taa teen u. Ni li ŋani ni ŋan na binib mɔmɔk aanimbil ni.