2 Samuel 24:2 - Uwumbɔr aagbaŋ

² Kina pu le David bui waajab aaninkpel Joab ke, “Di saaninkpiib, ki bɔ dii Israel aanibol mɔmɔk aatim ni, ki kahn binib ngbaan. M ban m bee baah wiir pu na la.”

2 Samuel 24:2 ပူးပေါင်းရင်းမြစ်များ

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

2 Samuel 17:11

Maasurm le ye ke aa kuun ni Israel aanib mɔmɔk Israel aatiŋ kee pu nan kpaan. Bi li wiir ke litambol li bi nnyusakpem aagbaan na, le sin aabaa di bi buen butɔb.

2 Samuel 2:13

Joab, u aana nan ye Seruya na, ni David aajab aaninkpiib biken nan ti kuun ki keln bi Gibeonn aabukpiik na chee, nin chee bi mɔmɔk kal na. Bibaa nan kal kibukpiik ngbaan aapepel libaa, le biken na mu kal lipepel liken.

2 Samuel 20:23

Joab le nan ye Israel aajab aaninkpel; le Jehoyada aajapɔɔn Benaya nan ye David aakikiib aaninkpel;

2 Samuel 24:15

Kina pu le Uwumbɔr nan cha iween lir Israel yaab pu, ki nyan liyaadaal ngbaan aachakpiik ni, ki ti saa n‑yoonn mu u siin na. Kitiŋ ngbaan mɔmɔk pu, Israel aanib ŋichur imonko itaa ni kipiik le nan kpo.

2 Samuel 8:16

Joab u aana nan ye Seruya na le nan ye David aajab aaninkpel; le Ahilud aajapɔɔn Jehosafat nan joo kitiŋ ngbaan aagbann;

1 Bibɔrb Aabɔr 21:2

David nan bui waajab aaninkpel Joab ni waaninkpiib biken ke, “Bɔ dii man Israel aatiŋ ni, ki nya kitiŋ ngbaan aapepel libaa mɔk ki ti saa liken mɔk ki kahn binib ngbaan.”

2 Bibɔrb Aabɔr 32:31

le Babiloŋ aaninkpiib aah nan dan ke bi nan baa ki bee budabu tun iwaan aatuln kitiŋ ngbaan pu na, Uwumbɔr di Hesekia lii ke u ŋa ubaa aageehn. U nan ŋa kina ke u tɔŋ u ki lik waabimbin la.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

2 Korenti 12:7

Tɔ, Uwumbɔr aah nan mɔk mi lijinjiir aawan sakpen pu na, waa ban ke m yoor mbaa paacham lijinjiir aawan ngbaan pu. Nima le u cha limukl li nyan ni kinimbɔŋ chee na muk mi. Limukl ngbaan wu mi ke nkokon aah saa tiwon kan, ni wu pu na.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.