2 Samuel 24:16 - Uwumbɔr aagbaŋ

¹⁶ Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

2 Samuel 24:16 ပူးပေါင်းရင်းမြစ်များ

Mpiin 10:16

Kanaann le nan ki ye Jebus yaab, ni Amor yaab, ni Girgas yaab,

Mpiin 6:6

nima pu le usui bii sakpen, waah naan unibɔn u na pu.

2 Samuel 24:18

Liyaadaal baan ngbaan, le Gad nan buen David chee, ki ti bui u ke, “Li cha Arauna aadipoipaal pu, ki ti maa kitork aabimbiln nima tii Uwumbɔr.”

2 Samuel 5:8

Liyaadaal ngbaan le David nan baa waajab ke, “Ubaa mu ki nan Jebus yaab ke mi na aa? Kinanansakpeŋ ki ga ku bi na aa? Kina kan, dii nnyunsan ngbaan man ki ti tak bijoom bi ye biwɔb ngbaan na.” Nima pu le bi len ke, “Bijoom ni biwɔb aan ŋmaa koo Uwumbɔr Aadichal ni.”

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

1 Bibɔrb Aabɔr 1:14

Kanaann le nan ki ye Jebus ni Amor, ni Girgas,

2 Bibɔrb Aabɔr 3:1

Solomonn aate, Ubɔr David nan puen gor nin chee Uwumbɔr Aadichal ga sil na. Nima chee le ye Moria Aajool li pu Uwumbɔr nan di ubaa mɔk David aan li bi Jerusalem ni na. Nima chee le Jebus aanii Arauna nan ŋa waadipoipaal na.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Ilahn 135:14

Uwumbɔr ga li kii waanib; u ga san waatutum kinimbaak.

Ilahn 35:6

Uwumbɔr aatuun aah gbaa bi lir pu na, cha baasan li bɔɔn ki ŋar.

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Ilahn 90:13

Saaŋuul ga ki yunn ki ti saa kinye? Uwumbɔr, san saatutum kinimbaak.

Nnyam 12:13

Nsin mu ni di boon ibisamɔi na le ga li ye limɔkl ke nimi Israel yaab aadichal le na. N‑yoonn mu m kan nsin ngbaan na kan, m ga lakr jer ni pu, kaan kpaan ni ni Ijipt yaab ki daa ni mu aatafal.

Nnyam 12:23

N‑yoonn mu Uwumbɔr yaa nan dan ke u chuun Ijipt aatiŋ ni ki ku bi na kan, u yaa nan kan nsin ngbaan nimi aadichal aabisamɔi pu kan, waan cha nkun aatuun koo nimi aadichal ni ki ku nimi.

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Jeremia 26:19

Ubɔr Hesekia ni Juda aanib aa nan ku Maika. Hesekia nan labr san Uwumbɔr le ki pɔɔn ubaa ke u kan lineen u chee. Le Uwumbɔr nan kpeln waalandak, kaa ki cha tibɔbir ti u nan bui ke ti ga dan bi pu na dan. Ti bi ban tibɔbir sakpenn le tii tibaa.”

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Amos 7:6

Le Uwumbɔr ki kpeln waalandak ki bui ke, “Nimina mu aan ki ŋa kina.”

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Sekaria 9:7

Baan ki ŋmɔ tinann ti kpa nsin ti ponn ni na, kaan ki ji tijikaar ti kɔ na tibaa. Binib bi ŋmar na mɔmɔk ga kpaln maanib la, ki li bi ke ntaŋaal mubaa na Juda aanibol ni. Ekronn aatiŋ aanib ga kpaln maanib ke Jebus yaab aah ŋa pu na.

Tibɔnyaan ti Mak ŋmee ti na 14:41

Le u ki buen ti mee Uwumbɔr, ki ki gir ni taataa, ki ki muin bi dɔ geen; le u baa bi, “Ni beenin fuur ki dɔ geen la aa? Ni ŋeer a. N‑yoonn fuu a. U kooh min Unibɔn Aabo, ki di ŋa titunwanbirdam aaŋaal ni la.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

1 Korenti 10:10

Ni mu taa ŋulni ke bi ponn ni bibaa aah nan ŋulni pu ki cha Uwumbɔr aakun aatuun ku bi na.

2 Korenti 2:6

Ni ponn ni pam aah kii ki daa utafal pu na, nima le ŋeer.

Josua 15:63

Juda aanib aa nan ŋmaa jenn nyan Jebus yaab bi nan bi Jerusalem aatiŋ ponn ni na. Jebus yaab laa beenin bi nima, Juda aanib chee.

Bibɔjirb 1:21

Tɔ, Benjaminn aanibol ma aa nan jenn nyan Jebus yaab bi nan koo Jerusalem ponn ni na, le Jebus yaab ngbaan, ni Benjaminn aanibol aanib beenin kpaan koo nima.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.