2 Samuel 24:15 - Uwumbɔr aagbaŋ

¹⁵ Kina pu le Uwumbɔr nan cha iween lir Israel yaab pu, ki nyan liyaadaal ngbaan aachakpiik ni, ki ti saa n‑yoonn mu u siin na. Kitiŋ ngbaan mɔmɔk pu, Israel aanib ŋichur imonko itaa ni kipiik le nan kpo.

2 Samuel 24:15 ပူးပေါင်းရင်းမြစ်များ

2 Samuel 24:2

Kina pu le David bui waajab aaninkpel Joab ke, “Di saaninkpiib, ki bɔ dii Israel aanibol mɔmɔk aatim ni, ki kahn binib ngbaan. M ban m bee baah wiir pu na la.”

1 Bibɔrb Aabɔr 21:14

Kina pu le Uwumbɔr cha iween lir Israel yaab pu, le bi ponn ni ŋichur imonko itaa ni kipiik kpo,

1 Bibɔrb Aabɔr 27:24

Joab u aana nan ye Seruya na, nan piin ki bi kahn binib, tɔ, u mu aa nan kahn bi doo. Uwumbɔr nan daa Israel aanib aatafal binib aakahm mue pu, kina pu na, nkahm ngbaan aaŋmeen aa nan bi ubɔr David aatuln aagbann ni.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Nkahm 25:9

Israel yaab bi nan puun kpo Uwumbɔr aaŋuul pu na nan pii binib ŋichur moninko ni ŋinaa.

Matiu 24:7

Linibol libaa ga to linibol liken butɔb. Nnaan mubaa aanib ni nnaan muken aanib ga to tɔb butɔb. Nkon ga lir ntim pam ponn ni. Kitiŋ ga deŋ ŋipepel pam.

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.