2 Samuel 24:14 - Uwumbɔr aagbaŋ

¹⁴ Le David bui ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa timi aatafal.”

2 Samuel 24:14 ပူးပေါင်းရင်းမြစ်များ

2 Samuel 9:8

Le Mefibosef ki gbaan ki len ke, “Maaninkpel, libɔkpol jer mi. Ba ŋa aa kpa m pu tiŋann sakpen kina?”

2 Bibɔrb 6:15

Kichakpinaanyeek ni le Elaisa aatutunn fii, le ki nyan lipaal, le ki kan Siria aatɔb aajab ngbaan, ni baataan, ni yaatɔroku tiib mann kitiŋ ngbaan ti ton. U nan gir koo Elaisa chee le ki ti teen ke, “Maaninkpel, timɔfal junn a. Ti ga ŋa kinye?”

1 Bibɔrb Aabɔr 21:13

Le David gar Gad ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa ntafal.”

Ilahn 119:156

Uwumbɔr, le saanimbaasaln nyaŋ sakpen a; san mi kinimbaak ki gaa mi lii.

Ilahn 130:4

Le aa di cha pinn timi, ke ti li san si ijawaan.

Ilahn 130:7

Uwumbɔr aageehm aah kaa kpelni na aan u gee ke u gaa nimi lii n‑yoonn mɔmɔk na, nimi Israel yaab, tii u naadii man.

Ilahn 145:9

U kpa unibɔn mɔmɔk pu tiŋann, ki san waah naan tiwan ni mɔmɔk na kinimbaak.

Ilahn 51:1

Uwumbɔr, san mi kinimbaak, saageehm mu bi n‑yoonn mɔmɔk na pu. Saanimbaasaln sakpeln pu, finn nyan maatunwanbir.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ŋiyataŋak 12:10

Uninyaan lik waawakor mbamɔm la, le bibiindam ma ŋani baawakor mbiin.

Aisaya 47:6

M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 39:17

le min Uwumbɔr ga li kii si, bi taa di si tii bijab bi aa san bi ijawaan na.

Inandalahn 3:22

Uwumbɔr aageehm ni linimbaasaln li kaa door na beenin bi.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Maika 7:19

Aa ga ki san timi kinimbaak lelee. Aa ga taa taa timi aatunwanbir ŋmal titan ni, ki di ti buen nnyusakpem aataab.

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.

Jɔnn 12:27

“Dandana, nsui bii sakpen a. M ga len kinye? M ga len ke, ‘Nte, nyan mi falaa u choo na ni ii?’ Maan len kina; ba pu? ŋitaa ŋi pu m dan dulnyaa wee ni na le ye ke m ji falaa ngbaan.

Filipi 1:23

nkun ni limɔfal mɔmɔk ŋan la. M ban ke m nya dulnyaa ni, ki ti li bi Kristo chee; ba pu? nima le ga li ŋan sakpen ki jer naah ŋan pu dulnyaa wee ni na.

1 Samuel 13:6

le ki fii mpɔɔn ŋmeen ti tak Israel yaab, le Israel yaab aa nan ki nyi baah ga ŋa pu na. Bibaa nan bɔr titakpalunn ponn ni, ni ibuu ponn ni, ni ŋitakpal taab, ni ŋibugen, ni inyunbun ponn ni.