2 Samuel 24:10 - Uwumbɔr aagbaŋ

¹⁰ Tɔ, David aah kahn binib ngbaan doo kina na, le usui bii, le u bui Uwumbɔr ke, “M tun titunwanbir ti bir sakpen na. M gaŋ si ke aa di cha pinn mi. M tun kijɔrk aatuln la.”

2 Samuel 24:10 ပူးပေါင်းရင်းမြစ်များ

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

2 Samuel 24:17

David nan kan ntuun mu bi ku binib ngbaan na, le ki bui Uwumbɔr ke, “Min le ye u aabɔr bii na. Min le tun taani. Bigiim bee mu ŋa ba? Aa ga daa min ni maadichal aatafal la.”

1 Bibɔrb 8:35

“Saanib yaa tun si titunwanbir, aan aa chuu utaal, waa ki nu, le bi yaa kpeln baabimbin, ki di binimbil toŋ ni Saadichal limina, ki sunn bibaa taab, ki mee si kan,

1 Bibɔrb Aabɔr 21:7

Uwumbɔr aasui aa nan piin lituln ngbaan pu, le u daa Israel yaab aatafal.

1 Bibɔrb Aabɔr 21:8

David nan bui Uwumbɔr ke, “M tun titunwanbir ti bir sakpen na, lituln li m tun na ponn ni. M gaŋ si, di cha pinn mi. M tun kijɔrk aatuln la.”

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

2 Bibɔrb Aabɔr 32:26

Tɔ, kookoo na, Hesekia ni Jerusalem aanib nan sunn bibaa taab, le Uwumbɔr aa nan ki daa binib ngbaan aatafal ki ti saa buyoonn Hesekia kpo na.

Job Aagbaŋ 7:21

Saan ŋmaa di cha pinn mi maatunwanbir aa? Saan ŋmaa suln taani u m ŋani na aa? Naan ki yunn le m koo likaakul ni, le aa yaa ki ban mi kan, saan kan mi.

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Nnyam 10:16

Ubɔr ngbaan nan ŋa mala le ki yin ni Moses ni Aaronn, le ki nan bui bi ke, “M tun titunwanbir Nidindaan Uwumbɔr, ni nimi chee.

Ŋiyataŋak 28:13

Aa yaa joo saatunwanbir bɔrni kan, saan kan tinyoor saamɔfal ni. Kpiir saatunwanbir ki di ti mee aan Uwumbɔr san si kinimbaak.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Nkahm 12:11

le u bui Moses ke, “Uninkpel, taa cha ti ji falaa, taah tun kijɔrk aatunwanbir ti na pu.

Tibɔnyaan ti Mak ŋmee ti na 7:22

ni iniman, ni mbiin, ni linyamɔngee, ni inimpoo, ni lipiipoln, ni ŋisiibil, ni kalmbaani, ni kijɔrk aatuln.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Jɔnn 8:9

Baah ŋun u len kina na, le bi mɔmɔk bolni ubaabaa; [ba pu? baalandak galn bi]. U ye uninkpel na puen boln siir, le bi mɔmɔk bolni ubaabaa, ki ti cha upii ngbaan si Yesu aanimbiin ni.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 24:5

N‑yoonn ngbaan le naa ki piir David aasui.

1 Samuel 24:6

Le u bui waajab ke, “Uwumbɔr taa cha m ŋa maaninkpel, u uma Uwumbɔr lee u ubɔr na taani ubaa. Maan ŋa u nibaa siib kina; ba pu? uma le Uwumbɔr ŋa u ubɔr.”

1 Samuel 26:21

Sɔɔl nan kii u ke, “M tun taani. Maabo David, gir ni. Maan ki tun si taani ubaa; ba pu? aa gaa maamɔfal lii kinyeek kee. M ŋa mbaa ujɔr la. M tun titunwanbir sakpen.”