2 Samuel 23:5 - Uwumbɔr aagbaŋ

⁵ Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

2 Samuel 23:5 ပူးပေါင်းရင်းမြစ်များ

Mpiin 9:16

M yaa ti kan waapumanja lul kitaapaak ni kan, m ga teer tipuur ti kaa kpa ndoon aan m puu tii dulnyaa aawan nimɔk fu na aabɔr.”

2 Samuel 12:10

Nima pu na, n‑yoonn mɔmɔk ni, saanib bibaa ga kpo mpɔɔnkun; ba pu? aa yii maamɔb ki gaa Uria aapuu.

2 Samuel 13:14

Le u yii, kaa ŋun tii u; le waah pɔɔ jer u na, u nyaŋ u ki doon u chee mpɔɔn.

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

2 Samuel 18:14

Le Joab bui ke, “Maan ki taan aa chee kpala.” U nan yoor tikpaatunn titaa, le ki ti di ti too yun Absalom aabiŋ, waah laa fu, ki lun likpaln aasub ngbaan pu pu na,

2 Samuel 7:12

Aa yaa nan kpo aan bi sub si aayaajatiib chee kan, le m ga ŋa aajapɔɔn ubaa ubɔr, ki cha waanaan li pɔɔ.

2 Samuel 7:18

Le Ubɔr David buen Uwumbɔr Aabool ni, ki ti kal ki mee Uwumbɔr ke, “Ndindaan Uwumbɔr, maa ŋeer saah puen ŋa tiwan ni tii mi na, le maadichal mu aa ŋeer kina.

1 Bibɔrb 1:5

Tɔ, Absalom aah kpo na, David ni upuu Hagif aajapɔɔn Adonija le nan gur ye ujapɔpol ki fu. U nan ye uja u ŋan sakpen na la. David aa nan kee daa utafal tibɔr tibaa pu, le unimbil nan man ke uma le ga li ye ubɔr. U nan ban ubaa aataan aatɔroku tiib, ni itaan, ni bijab bi ga kiir u na piiŋmu.

1 Bibɔrb 11:38

Aa yaa kii maamɔb ti doo, ki dii maakaal, ki ŋani maah siin pu na ke maatutunn David aah nan bi pu na, aan nlaasaab koo aa ni kan, m ga li bi aa chee n‑yoonn mɔmɔk. M ga ŋa si Israel yaab aabɔr, ki ga cha aayaabitiib li ji nnaan aapuwɔb, ke maah ŋa pu tii David na.

1 Bibɔrb 12:14

binachipɔm na aah nan sur u ke u len pu na. U nan len ke, “Nte nan di ŋitun ŋi nyuun na le tun nimi; le m ma ga moo tun nimi ŋi nyuun jer kina na. U nan joo ibanbaan le gbaa nimi; le m ma ga loe nimi ŋinaalab.”

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 119:81

Uwumbɔr, maah kii si ke aa nan gaa mi lii pu na cha nwon mɔmɔk kpo a; m di maagaakii ŋa saabɔr ni la.

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 89:3

Aa len ke, “M puu tipuur tii uja u m lee u na, uma le ye maatutunn David; m puu tii u ke,

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 27:6

Iwiin i choo na ni, Jakob aamaal, Israel yaab, ga nyal sil ke busub na, ki ŋeen ki lu. Kitiŋ kee ga gbiin baah tun ki kani pu na.

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 54:10

Nibaakan ŋijoo ni ŋigongon ga wur lir, le maageehm mu m kpa tii si na aan doo; maah puu tipuur ke m ga tii si nsuudoon na, m ga li beenin joo ti.” Kina le Uwumbɔr u gee si na len.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Jeremia 33:21

Kina le m puu tipuur tii maatutunn Ubɔr David ke u ga li kpa yaabil n‑yoonn mɔmɔk aan u li ye ubɔr, le ki puu tii bitotoorb bi nyan ni Liifai aanibol ni na ke bi li tun maatuln n‑yoonn mɔmɔk; le tipuur ngbaan mu aa kpa ke ti bii.

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Lituln 13:34

Tɔ, Uwumbɔr ki bui ke: ‘M ga sil ŋa tinyoor ti bi chain na ŋa ni pu, ke maah puu tipuur tii Ubɔr David pu na.’ Uwumbɔr ki len kigbaŋ kibaa ponn ni: ‘Maan cha maabo u ye chain na aawon bur.’” Tɔ, Pɔɔl nan ki len ke, “Uwumbɔr aah len pu na, naatataa le ye ke u fikr Yesu nkun ni. Waan ki kpo. Waawon aan bur.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 6:19

Taah kpa limakl ngbaan na, nima le joo timi aasui ke ti taa di cha waasan. Yesu pu, le ti kpa limakl ngbaan. Limakl ngbaan pu, le Yesu u bi paacham na aalandak bi tisui ni.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.