2 Samuel 23:4 - Uwumbɔr aagbaŋ

⁴ naahn kichakpinaanyeek ki daal aa kpa ntaalangbam na aawiin la, ki naahn nwiin mu cha timoor moor buyoonn utaal nun ki fir na la.”

2 Samuel 23:4 ပူးပေါင်းရင်းမြစ်များ

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Hosea 6:5

Kina pu le m di maah ga daa nitafal ki kuln nimi pu na tun ni maabɔnabr. Maah ban pu ni chee na aa duk kpala:

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Jɔnn 1:7

U dan ke u nan tuk binib nwiihn ngbaan aabɔr, aan binib mɔmɔk ŋun waah len pu na, aan ki gaa nwiihn ngbaan.

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.