2 Samuel 23:3 - Uwumbɔr aagbaŋ

³ Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

2 Samuel 23:3 ပူးပေါင်းရင်းမြစ်များ

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

2 Samuel 22:32

Uwumbɔr baanja le ye Tidindaan; Uwumbɔr baanja le ye u kii timi na.

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

Nehemia 5:14

Ŋibin kipiik ni ŋilee ŋi ponn ni m nan ye Juda aatiŋ aayidaan, ki nyan Ataksekes aanaan aabiln moninko ki ti saa waabin piitaa ni ŋilee ponn ni na, m ni maadichal aa nan ji tijikaar ti bi nan siin ke ti li ye uyidaan aajikaar na.

Job Aagbaŋ 34:17

Uwumbɔr mbimbinyaan daan le aa bui ke waabɔr aa ŋan aa? Aa dak ke waa gee ibamɔn aa?

Ilahn 110:2

Uwumbɔr ga taln saanaan aapɔɔn ki nya Sionn ni. U ki len ke, “Li ye saadim aajojoor.”

Ilahn 42:9

M len Uwumbɔr u ye maakikiir na chee ke, “Ba ŋa aa suln mbɔr? Ba ŋa m beenin ji falaa, maadim aah ŋa mi mbiin pu na pu?”

Ilahn 72:1

Uwumbɔr, mɔk ubɔr aan u di ibamɔn ji binib tibɔr; yakr saabamɔn tii u, aan u di ibamɔn joo saanib, ki di tiŋann joo binib bi bi muk bi na.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Ŋiyataŋak 31:9

Len tii bi, ki li ye ubɔjirbamɔnn. Li kii bigiim ni bifalaadam aabamɔn.”

Aisaya 32:1

N‑yoonn mubaa le ubɔr u joo waanib ni ibamɔn na, ni waaninkpiib bi joo ibamɔn tun baatuln na ga fuu ni.

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.