37 Saa cha maadim chuu mi, le maa kee lir.
U nan nyan mi linimaln ni; usui aah nan piin m pu pu na, le u nan gaa mi lii.
Waan cha aa lir; saakikiir ka waa n‑yoonn mɔmɔk la.
M chuun saasan ponn ni le n‑yoonn mɔmɔk, kaa kee yenn mu ni.
Saa cha maadim chuu mi, le maa kee lir.
Maawumbɔr, maakikiir, m yaa mee si kan, kii mi. Maah nan bi limukl ni na, aa nan ter mi. San mi kinimbaak dandana wee, ki pel maameel.
Uwumbɔr, m bui ke, “M bi lir la;” le saageehm mu bi n‑yoonn mɔmɔk na chuu mi siin chob.
N‑yoonn mu aa dii nlan aasan na kan, nibaa aan ŋmaa leŋ saasan, le buyoonn aa bi san na kan, saan gbeer nibaa.
Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.
