2 Samuel 22:32 - Uwumbɔr aagbaŋ

³² Uwumbɔr baanja le ye Tidindaan; Uwumbɔr baanja le ye u kii timi na.

2 Samuel 22:32 ပူးပေါင်းရင်းမြစ်များ

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

2 Samuel 7:22

Ndindaan Uwumbɔr, saapɔɔn nyaŋ sakpen. Ubaa aa ki bi ke sin na, ti puun nyi n‑yoonn mɔmɔk ke sin baanja le ye Uwumbɔr.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.