2 Samuel 22:31 - Uwumbɔr aagbaŋ

³¹ Uwumbɔr ma aabimbin ŋan ti nyaŋ, le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

2 Samuel 22:31 ပူးပေါင်းရင်းမြစ်များ

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

Nehemia 9:8

Aa nan kan ke u kpa gaakii tii si, le aa nan puu tipuur tii u. Aa nan puu ke aa ga di Kanaann yaab aatiŋ tii u, ki kpee Hef yaab, ni Amor yaab aatim, ni Peris yaab, ni Jebus yaab, ni Girgas yaab aatim ke mu li ye uyaabitiib aatim. Saah ŋani saah len pu na n‑yoonn mɔmɔk na, aa joo saah puu pu na mbamɔm.

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Ilahn 119:140

Saah puu tipuur ti na aa kpeln. Min u ye saatutunn na gee ti sakpen a.

Ilahn 12:6

Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 18:30

Uwumbɔr ma aabimbin ŋan ti nyaŋ le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

Ilahn 2:7

Ubɔr ngbaan len ke, “M ga moon Uwumbɔr aah len pu na. U bui mi ke, ‘Sin le ye maabo, din wee le m ma si.

Ilahn 35:2

Yoor saajaak aapeln ni libɔkul ki dan nan gaa mi lii.

Ilahn 84:9

Uwumbɔr, ŋa saanyoor ŋa timi aabɔr u sin aabaa lee u na pu.

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Ŋiyataŋak 30:5

“Uwumbɔr joo waah puu tipuur ti na mɔmɔk. U kii binib bi mɔmɔk ban waaterm na.

Ulandaan 3:14

M nyi ke tiwan ni mɔmɔk Uwumbɔr ŋani na aan li kpa ndoon. Saan ŋmaa di nibaa kpee ni pu, kan ŋmaa bar ni pu. Uwumbɔr ŋani kina ke binib li pak u la.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Matiu 5:48

Nima pu na, ni li bi mbamɔm, ke Nite Uwumbɔr u bi paacham na aah bi pu na.”

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.