2 Samuel 22:29 - Uwumbɔr aagbaŋ

²⁹ Uwumbɔr, sin le ye maawiihn; sin le jenn maabɔmbɔɔn.

2 Samuel 22:29 ပူးပေါင်းရင်းမြစ်များ

2 Samuel 21:17

le Seruya aajapɔɔn Abisai nan dan nan ter David, le u ni liwɔkl ngbaan di saa tɔb, le u ku liwɔkl ngbaan. Le David aajab cha u puu ke waan ki dii bi buen butɔb ni. Bi nan bui u ke, “Sin le ye Israel aanib aamakl, le taa ban ke aa nya timi aaŋaal ni.”

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

Job Aagbaŋ 29:3

Uwumbɔr nan bi m chee n‑yoonn mɔmɔk n‑yaayoonn ngbaan, le ki tii mi nwiihn m joo chuun libɔmbɔln ni.

Ilahn 112:4

Bininyaam yaa bi mbɔmbɔɔn ni kan, ni ye nwiihn ŋmeen la; ni ye nwiihn ki tii binib bi san kinimbaak, ki kpa tiŋann, ki si chob na.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 4:6

Binib pam le mee ke: “Uwumbɔr, moo tii timi saanyoor. San timi kinimbaak.”

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 97:11

Nwiihn woln binib bi aabimbin ŋan na pu, le mmɔɔn bi bininyaam chee.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Jɔnn 12:46

M ye nwiihn le ki dan dulnyaa ni ke m nan woln binib aanimbil, aan unii umɔk gaa mi ki kii na kan, waan ki li bi mbɔmbɔɔn ni.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.