2 Samuel 21:3 - Uwumbɔr aagbaŋ

³ Kina pu le David kuun Gibeonn aanib, ki nan bui bi ke, “Ba aan m ga ŋmaa ŋa tii nimi? Taani u ti nan ŋa nimi na, le m ban m kuln u, aan ni mee Uwumbɔr aanyoor ŋa waanib pu.”

2 Samuel 21:3 ပူးပေါင်းရင်းမြစ်များ

2 Samuel 20:19

Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

Nnyam 32:30

Naah woln kitaak na, le Moses bui binib ngbaan ke, “Ni tun titunwanbir pam. Tɔ, m ga ki gir buen lijool ngbaan paab Uwumbɔr chee; nibaakan, ni ga kan chapinn nimi aatunwanbir pu.”

Liifai Yaab 1:4

Udaan ngbaan ga di uŋaal paan unaaja ngbaan aayil pu, le Uwumbɔr ga gaa waatork ngbaan ki di cha pinn waatunwanbir.

Jona 1:11

Kitaabuŋ ngbaan nan moo pɔɔk kpae la, le biŋɔŋaab ngbaan baa u ke, “Ti ga ŋa kinye aan kitaabuŋ ngbaan di cha?”

Hiibru Yaab 9:22

Nkaal ngbaan aah dii pu na, bi yaa nan ban ke bi ŋa tiwan chain kan, see bi di nsin yɔk yɔk ni pu le ki ŋa ni chain. Nsin yaa kaa nyan kan, Uwumbɔr aan di cha pinn titunwanbir.

1 Samuel 2:25

Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.