2 Samuel 21:15 - Uwumbɔr aagbaŋ

¹⁵ Butɔb buken nan ki fii, Israel yaab ni Filistia yaab aakaasisik ni, le David ni waajab buen aan bi ni Filistia aajab ti jan. Kijaak ngbaan kibaa ni, le David nan ti bak.

2 Samuel 21:15 ပူးပေါင်းရင်းမြစ်များ

2 Samuel 21:16

Liwɔkl libaa, bi nan yin u ke Isbi‑Benob, u nan joo tikumann aakpaatuŋ ki aanyunyuun nan ga li pii ndibim kuruwaa bitaa ni ligeln aah nyuun pu na, ki pee kijaak aajupɔŋ na, nan dak ke u ga ŋmaa ku David la,

2 Samuel 5:17

Filistia yaab ŋun ke David jin Israel aanaan, le baajab gor bibaa ke bi ti tak ki chuu u. David aah ŋun tibɔr ngbaan na, le u buen ligongoln li bi kii li mbamɔm na paab.

2 Samuel 5:22

Le Filistia yaab gir buen Refaim Aafataŋ ni, ki ti ki gaa ki.

2 Samuel 5:25

David nan ŋa Uwumbɔr aah bui u pu na, le ki ŋman ki jenn Filistia yaab aajab ki nyan Geba ki ti saa Geser.

2 Samuel 8:1

Naah yunn siib na, le David ki buen ti tak Filistia yaab, ki nyaŋ bi, le ki gaa baatisakpeŋ bi chee.

1 Bibɔrb Aabɔr 20:4

Puwɔb le butɔb nan ki fii Israel yaab ni Filistia yaab bi bi Geser ni na aakaasisik ni. Butɔb ngbaan ni le Sibekai u ye Husa aatiŋ aanii na nan ku liwɔkl li bi yin li ke Sipai na; bi nan nyaŋ Filistia yaab.

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Ilahn 71:9

N‑yoonn mu m por na, taa yii mi; taa yii mi n‑yoonn mu maa ki kpa mpɔɔn na.

Ilahn 73:26

Nibaakan, maalandak ni nwon ga yɔl, le Uwumbɔr ma ye maapɔɔn; uma le ye tiwan ni m ban n‑yoonn mɔmɔk na.

Ulandaan 12:3

Le saaŋaal i ter si dandana na ga yɔl, le saataa ŋi laa pɔɔ na ga diŋ. Saanyin ŋi ga gur aamɔb ni na aan ŋmaa ŋmɔ tijikaar ti aa ji na. Le saan ki li waa mbamɔm.