2 Samuel 21:14 - Uwumbɔr aagbaŋ

¹⁴ Le bi nan ti di Sɔɔl ni ujapɔɔn Jonatann aakpab sub Sɔɔl aate Kis aacheek ni, Sela aatiŋ ki bi Benjaminn aapepel ni na, ki ŋa tiwan nimɔk Ubɔr David nan bui ke bi ŋa na. Nee aapuwɔb, le Uwumbɔr kii baah mee limeel li baatiŋ pu na.

2 Samuel 21:14 ပူးပေါင်းရင်းမြစ်များ

2 Samuel 21:13

David nan yoor Sɔɔl ni ujapɔɔn Jonatann aakpab, le ki nan kuun bijab bilole bi bi nan leen bi iŋmin pu na mu aakpab.

2 Samuel 24:25

le ki maa kitork aabimbiln tii Uwumbɔr, ki toor kitork ki bi ga di see mmii ni na, ni kimɔbaan aatork nima. Uwumbɔr nan kii waameel, le iween ngbaan doo Israel aatiŋ pu.

2 Samuel 3:32

Bi nan sub Abner, Hebronn aatiŋ ni la, le ubɔr David nan wii mpɔɔn pu, waakaakul ngbaan chee, le binib mɔmɔk mu nan wii kina.

2 Samuel 4:12

David nan tii nsan, le waajab ku Rekab ni Baana, le ki gii gii biŋaalfaal ni bitaafaal, ki di leen Hebronn aabukpiik na chee. Bi nan yoor Isbosef aayil ti sub Abner aakaakul ni, Hebronn aatiŋ ni.

Jona 1:15

le ki yoor Jona di mee ŋa nnyusakpem ngbaan ni. Libuul ngbaan ni le mu doon suuna.

Sekaria 6:8

Le ntuun ngbaan teen yin mi ki bui ke, “Itaan i buen ŋŋangan wɔb na sɔŋ Uwumbɔr aasui a.”

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Nkahm 25:8

ki paan uja ngbaan ni upii ngbaan pu kidiik ni, le ki ti saa ku bimɔk bilee tam tɔb. Waah nan ŋa kina na, le iween i nan ku Israel yaab na di cha.

Josua 18:28

ni Sela, ni Ha Elef, ni Jebus, bee Jerusalem, ni Gibea, ni Kiriaf Jearim aatim: ntim ngbaan mɔmɔk nan ti saa ntim kipiik ni munaa la, le ki kpee itingbaan i bi gbɔk mu na. Ntim mu Benjaminn aamaal nan gaa aan mu ye baatiŋ na le na.

Josua 7:26

le ki kuun ŋitakpal paan u pu; ŋi beenin dɔ nima ki nan saa din. Nima pu le bi yin nima chee ke Tibɔbir Aafataŋ. Le Uwumbɔr aaŋuul nin sɔŋ.

1 Samuel 10:2

aa yaa nyan m chee do din ki cha kan, aa ga ti kan bijab bilee bibaa Rachel aakaakul chee, Selsa aatiŋ ni, ki bi Benjaminn aatiŋ ni na. Bi ga bui si ke saah nan bi ban ibon i na, bi kan i a, le aate aa ki dak i pu, ki gur dak sin pu la, le ki baa n‑yoonn mɔmɔk ke, ‘M ga ŋa maabo aabɔr tee kinye?’