2 Samuel 20:8 - Uwumbɔr aagbaŋ

⁸ Baah ti fuu Gibeonn aatakpasakpeln na chee na, le bi kan Amasa nima. Joab nan gor ki kii butɔb la, ki di kijaak aajuk ki bi kaajufuuk ni na gbin uchaŋ ni, waagbapapaln pu. Waah nyan sil ni na, le ki chuu fuur lir kitiŋ.

2 Samuel 20:8 ပူးပေါင်းရင်းမြစ်များ

2 Samuel 2:13

Joab, u aana nan ye Seruya na, ni David aajab aaninkpiib biken nan ti kuun ki keln bi Gibeonn aabukpiik na chee, nin chee bi mɔmɔk kal na. Bibaa nan kal kibukpiik ngbaan aapepel libaa, le biken na mu kal lipepel liken.

2 Samuel 3:30

Joab ni unaal Abisai nan ku Abner, waah nan ku binaal Asahel pu Gibeonn aatɔb ponn ni pu na la.

Matiu 3:4

Jɔnn nan pee kikpalk ki bi nan di laakumii aakor luu ki na, ki di ligbapapaln buu uchaŋ ni. Waajikaar nan ye itoon ni tisiir la.

Bibɔjirb 3:16

Ehud nan mɔɔ kijaak aajuk ki aafɔfɔk nan fɔk jer litaa libaa ni ligeln na. U nan di ki peen uŋangii wɔb aasikakl, waawanpeenkaan aataab la,