2 Samuel 20:6 - Uwumbɔr aagbaŋ

⁶ Kina pu le ubɔr nan bui Abisai ke, “Seba ga tii timi tibɔr, ki jer Absalom aah nan tii timi tibɔr pu na. Di maajab paan u pu, naa ye kina kan, u ga gaa tijawan aatim mubaa ki ŋmar.”

2 Samuel 20:6 ပူးပေါင်းရင်းမြစ်များ

2 Samuel 10:14

Amonn yaab aah kan Siria yaab bi san na, le bi mu san cha Abisai ni waajab, ki gir koo baatiŋ ni. Le Joab di cha, kaa ki faa Amonn yaab ngbaan butɔb, ki gir kun Jerusalem.

2 Samuel 11:11

Le Uria gar u ke, “Israel ni Juda aajab bi butɔb ni la, le Uwumbɔr Aakaal Aadakaa bi bi chee; le maaninkpel Joab ni saajab doo lipaal la. M ga ŋa kinye ki kun, ki ti ji ki nyu, ki koo doon mpuu chee? M puu sin ubɔr aayimbil pu, ke maan ŋa kina aawan kpala.”

2 Samuel 18:12

Le uja ngbaan gar u ke, “Hali aa yaa ba ga tii mi tikur aamombil ngbaan kuruwaa ŋiŋmu kan, maa ba ga di ŋŋaal meeh ubɔr aajapɔɔn. Ti mɔmɔk ba ŋun ubɔr aah bui sin, ni Abisai, ni Itai ke, ‘Min pu, taa ŋa man unachipɔɔn Absalom ngbaan nibaa.’

2 Samuel 18:2

le ki tun bi ŋigetek ŋitaa pu, le Joab ni unaal Abisai, ni Itai u ye Gaf aanii na, ye baaninkpiib, bi mɔmɔk ni baagetek. Le u bui waajab ngbaan ke, “Min mbaa ga dii nimi buen.”

2 Samuel 19:7

Buen ti cha saajab na bee ke aa si bichaŋ ni. M puu Uwumbɔr aayimbil pu, ke aa yaa kaa ŋa kina kan, joo cha ni fen kan, bi ponn ni ubaa aan ki li bi aa chee. Le ni ga li ye falaa sakpen u aa jin saamɔfal mɔmɔk ni na.”

2 Samuel 2:18

Seruya aajapɔtiib bitaa bimina, Joab, ni Abisai, ni Asahel nan bi nima. Asahel, u ŋmaa san ke upeeman na,

2 Samuel 21:17

le Seruya aajapɔɔn Abisai nan dan nan ter David, le u ni liwɔkl ngbaan di saa tɔb, le u ku liwɔkl ngbaan. Le David aajab cha u puu ke waan ki dii bi buen butɔb ni. Bi nan bui u ke, “Sin le ye Israel aanib aamakl, le taa ban ke aa nya timi aaŋaal ni.”

2 Samuel 23:18

Joab u nan ye Seruya aabo na aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

2 Samuel 3:30

Joab ni unaal Abisai nan ku Abner, waah nan ku binaal Asahel pu Gibeonn aatɔb ponn ni pu na la.

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

1 Bibɔrb 1:33

le u bui bi ke, “Ni ni maaninkpiib li dii man, ki cha njapɔɔn Solomonn li dik mbaa aataan pu, ki di u buen Gihonn aayayak aanyunbun chee.

1 Bibɔrb Aabɔr 11:20

Joab aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

1 Bibɔrb Aabɔr 18:12

Abisai, u aana nan ye Seruya na nan ti nyaŋ Edom yaab ki ku baajab ŋichur kipiik ni ŋiniin, kifataŋ ki bi yin ki ke N‑yaan Aafataŋ na ni.

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Tibɔnyaan ti Mak ŋmee ti na 3:24

Kitiŋ kibaa ni aanib yaa yakr ki yaa jaa kijaak kan, kitiŋ ngbaan ga bee yɔli.

1 Samuel 26:6

Le David baa Ahimelek, u ye Hef aanii na, ni Abisai u ye Joab aanaal aan bina ye Seruya na ke, “Ni ponn ni bilee bee, ŋma ga dii mi buen Sɔɔl ni waajab chee?” Le Abisai bui ke, “Min le ga buen.”