2 Samuel 20:4 - Uwumbɔr aagbaŋ

⁴ Ubɔr David nan bui Amasa ke, “Buen ki ti yin ni Juda aajab mɔmɔk, ki fuu ni do daalpu.”

2 Samuel 20:4 ပူးပေါင်းရင်းမြစ်များ

2 Samuel 17:25

Absalom nan di Amasa le ŋa waajab aaninkpel, Joab aabuul ni. Amasa aate le nan ye Israel aanii u bi yin u ke Jeter na; le una mu ye Nahas aabisal Abigail, u aakpel nan ye Joab aana Seruya na.

2 Samuel 19:13

David nan ki bui bi ke bi ti bui Amasa ke, “Aa ye ndo yoo la. Ki nya din wee ki joo cha, m ga di sin le ŋa maajab aaninkpel, Joab aabuul ni. M yaa kaa ŋa kina kan, Uwumbɔr faa ku mi.”

2 Samuel 19:14

David aaliin yee nan cha u kan Juda aajab mɔmɔk aapak, le bi di lilambil tii u, ke u ni waajab mɔmɔk gir ni.

1 Bibɔrb Aabɔr 2:17

Ubisal Abigail na nan mɔn Jeter, u aayaaja nan ye Ismael na, le bi ma bijapɔɔn Amasa.