2 Samuel 20:19 - Uwumbɔr aagbaŋ

¹⁹ Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

2 Samuel 20:19 ပူးပေါင်းရင်းမြစ်များ

Mpiin 18:23

Abraham nan baa Uwumbɔr ke, “Aa ga sil kpaan bii bininyaam ni titunwanbirdam mɔmɔk aa?

2 Samuel 14:16

M nyi ke aa ga nan ŋun tii mi, ki gaa m ni njapɔɔn lii uja u ban u ku timi ki nyan timi Uwumbɔr aah tii waanib kitiŋ ki na ni.

2 Samuel 17:16

Le Husai ki bui bi ke, “Tɔ, ŋa mala. Tun ti tuk David ke u taa doon kipɔɔk ni, baah puur limɔɔl nin chee na kinyeek kee; u puur Jɔɔdann aamɔɔl mala, aan bi taa pii u ni waajab ki ku bi mɔmɔk.”

2 Samuel 20:18

Le u bui ke, “N‑yaayoonn na bi nan len ke, ‘Li cha Abel aatiŋ ni, ki ti kan tiwan ni muk si na aatataa,’ le bi nan sil ŋani kina.

2 Samuel 20:20

Le Joab gar ke, “Aayii. Maan bii doo nimi aatiŋ.

2 Samuel 21:3

Kina pu le David kuun Gibeonn aanib, ki nan bui bi ke, “Ba aan m ga ŋmaa ŋa tii nimi? Taani u ti nan ŋa nimi na, le m ban m kuln u, aan ni mee Uwumbɔr aanyoor ŋa waanib pu.”

1 Bibɔrb 8:53

Aa lee bi binib mɔmɔk ponn ni, ke bi li ye aabaa aanib, ke saah nan cha saatutunn Moses tuk bi pu, buyoonn aa nan nyan ni tiyaajatiib Ijipt aatiŋ ni na.”

Ilahn 106:5

Cha m kan saah tii saanib liwangol li na, ki mu kan mpopiin mu aa di tii saatimbol na, ki kan binib bi ye saanib na aapopiin aamakl.

Ilahn 124:3

bi ba ga nan di baaŋuusakpeln li bi kpa ti pu na nab timi;

Ilahn 33:12

Litimbol li dii Tidindaan Uwumbɔr na, lima le kpa mpopiin; waah lee binib bi ke bi ye uyaab na, bima le kpa mpopiin.

Ilahn 78:71

nin chee u bi kpaa waapiih na, le ki di u ŋa Israel yaab aabɔr, Uwumbɔr aanib aapihdaan.

Jeremia 51:34

Babiloŋ aabɔr nan gii gii Jerusalem le ki di ŋman. U nan chuu kpenn kitiŋ ngbaan chain ke libuul na la; u nan nab ki ke kipeewanbiik aah nae tiwan pu na la. U nan yoor waah gee ni na buen le ki di ni gur na mee.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Inandalahn 2:16

Saadim mɔmɔk ŋani si yaansara, le ki gbee si kinanaŋ aaningbee. Bi mul bimɔi le ki bui ke, “Ti kuln ki a. Taah nan kii nwiin mu na le na.”

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 2:5

Uwumbɔr kuln Israel aatiŋ ke udin na la. U cha kaabɔrdichal, ni tijawan aadichal na kpaln tilangbenn. U tii Juda aanib mpombiin mu kaa kpa ndoon na.

Nkahm 16:32

le bi ni baamaal, ki kpee Kora ni binib bi dii u na, ni baawan mɔmɔk lir ni ponn ni.

Nkahm 26:10

Le Uwumbɔr cha kitiŋ piir ki di bi ni Kora ni waadidiliib nab, le bi nan kpaan kpo buyoonn mmii nan jin binib ikui ilee ni piiŋmu na; baakun nan ye nsurm le ki tii Israel yaab biken.

1 Korenti 15:54

Tiwon ti ga bur na yaa nan kpaln ti kaan bur na, aan tiwon ti ga kpo na yaa nan kpaln tiwon ti kaan ki kpo na kan, liyaadaal ngbaan le Uwumbɔr Aagbaŋ aah len pu na ga gbiin ke, “Uwumbɔr nyaŋ nkun, ki kuln mu.

2 Korenti 5:4

Ni ye mbamɔn, timi bi bi dulnyaa wee ni na, falaa muk timi, le ti du. Naa ye ke ti ban ke timi aawiin li chuun muŋmeen. Ti ban ke ti kan tiwon ti bi paacham na. Ti ban ke ti di tiwon ti ga kpo na lii, ki kan tiwon ti ga li bi n‑yoonn mu kaa kpa ndoon na.

Ikaal 20:10

“Ni yaa buen ni ti faa kitiŋ kibaa yaab butɔb kan, njan, ni tii bi nsan bi kii ke bi ga ŋa nimi aanaagbiib.

Ikaal 32:9

le ki nyan Jakob aamaal ke bi li ye waanib.

1 Timoti 2:2

Ni li mee Uwumbɔr kina ki tii bibɔrb, ni kitiŋ aayidam mɔmɔk, aan ti li bi tibaa pu, ki li kpa nsuudoon, ki li dii Uwumbɔr aasan, ki li ŋani tiwan mɔmɔk mbamɔm.

Bibɔjirb 5:7

Debora, Israel aatim nan gur si nkuun la; mu nan gur si nkuun le aa ti fuu ni, aa nan fuu ni ke Israel aana na.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.