2 Samuel 20:14 - Uwumbɔr aagbaŋ

¹⁴ Seba nan bɔ dii Israel aanibol mɔmɔk ni, le ki ti fuu Abel Bef Maaka aatiŋ ni, le u yaab Bikri aamaal aanib mɔmɔk kuun, ki dii u koo kitiŋ ngbaan ni.

2 Samuel 20:14 ပူးပေါင်းရင်းမြစ်များ

2 Samuel 20:13

Waah nan chuu yoor linikpol ngbaan nsan ni na, le bi mɔmɔk di paan Joab pu, ke bi ti chuu Seba.

2 Samuel 20:15

Joab aajab nan ŋun ke Seba bi nima, le bi buen ti gob kitiŋ ngbaan. Bi nan ŋa titan aabimbin tam kitiŋ ngbaan aagoln lipaal wɔb, ki gbii libuul, ligoln ngbaan aataab ke li lir.

1 Bibɔrb 15:20

Ben‑Hadad nan kii Asa aalandak ngbaan, le ki cha waajab aaninkpiib ni baajab buen ti tak Israel yaab aatim. Bi nan nyaŋ Ijonn, ni Dann, ni Abel Bef Maaka aatim, ni lipepel li bi Galilee Aanyusakpem chee na, ni Naftali aapepel mɔmɔk.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb Aabɔr 16:4

Ben‑Hadad nan kii Asa aalandak ngbaan, le ki cha waajab aaninkpiib ni baajab buen ti tak Israel aatim. Bi nan nyaŋ Ijonn, ni Dann, ni Abel Bef Maaka, ni Naftali aatim mumɔk nan ye tiwan mɔk aah sii nin chee na.

Nkahm 21:16

Bi nan ki nyan nima chee, le ki ti fuu nibaa chee, bi yin nima ke Inyunbun; nima chee le Uwumbɔr nan bui Moses ke, “Kuun ni binib ngbaan mɔmɔk aan m nan tii bi nnyun.”

Josua 18:25

Ntim mu nan ki kpee na le ye Gibeonn, ni Rama, ni Beerof,