2 Samuel 2:6 - Uwumbɔr aagbaŋ

⁶ Uwumbɔr li kpa tiŋann ki ŋa waah puu pu na ni pu. Naah ŋa pu na pu, m ga li joo nimi tiŋann.

2 Samuel 2:6 ပူးပေါင်းရင်းမြစ်များ

2 Samuel 10:2

Le Ubɔr David bui ke, “Ni ŋan ke m ŋa Hanunn tiŋann ke ute Nahas aah nan ŋa mi pu na.” Kina pu le u nan tun binib ke bi ti doon u likpuul. Baah ti fuu Amonn aatiŋ ni na,

2 Samuel 15:20

Saa koo do ni yunn, kina pu na, naa ŋan ke aa li chuun dii timi ki yenni. Hali min mbaa aa nyi maah cha nin chee na. Di aanaabitiib gir, aan Uwumbɔr li kpa ni pu tiŋann mbamɔm.”

2 Samuel 2:7

Li kpa man lipobil ki li pɔɔ. Nimi aabɔr Sɔɔl kpo a, le Juda aanib di mi ŋa baabɔr.”

2 Samuel 9:3

Le ubɔr ngbaan baa u ke, “Sɔɔl aanii ubaa gur aa? M ban m mɔk u maapak ni maaŋann, maah nan puu Uwumbɔr ke m ga ŋa pu na.” Le Siba bui u ke, “Jonatann aajapɔɔn ubaa beenin bi. U ye uwɔb la.”

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

Ilahn 57:3

U ga li bi paacham le ki kii maayim ki gaa mi lii; u ga nyaŋ binib bi muk mi na. Uwumbɔr ga mɔk mi waageehm mu bi n‑yoonn mɔmɔk na ki ga ŋa waah puu ke u ga ŋa pu na.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Ŋiyataŋak 14:22

Aa yaa tun litunyaan kan, aa ga kan kipak ni lisil binib biken chee, le aa yaa tun titunwanbir kan, aa yenni la.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Josua 2:14

Le bijab ngbaan bui u ke, “Aa yaa gaa timi lii kan, ti mu ga gaa nimi lii. Aa yaa kaa tuk unii ubaa taah chuun pu na kan, ti puu ke Uwumbɔr yaa di kitiŋ kee tii timi kan, ti ga ŋa nimi tiŋann.”

Ruf Aagbaŋ 1:8

le u bui bi ke, “Gir kun man nido, ki ti li bi ninatiib chee. Uwumbɔr ŋa nimi tiŋann ke naah ŋa min ni bi kpoi na tiŋann pu na.