2 Samuel 19:9 - Uwumbɔr aagbaŋ

⁹ Kitiŋ ngbaan mɔmɔk pu, bi nan bi jaa biŋmeen la. Bi nan bui tɔb ke, “Ubɔr David le gaa timi lii, timi aadim chee. U nan gaa timi Filistia yaab chee lii, le dandana wee u san cha kitiŋ kee, Absalom pu.

2 Samuel 19:9 ပူးပေါင်းရင်းမြစ်များ

2 Samuel 15:14

Kina pu le David bui waaninkpiib bi nan bi u chee Jerusalem ni na ke, “Ti yaa ban ti ŋmar Absalom chee kan, cha ti nya do man libuul lee ni. Mala man. Naa ye kina kan, u ga fuu ni do libuul lee ni, le ki nan nyaŋ ki ku ti mɔmɔk kitiŋ kee ni.”

2 Samuel 18:17

Bi nan chuu nyan Absalom aawon busub pu, ki di mee lii libuul li nyoo na ponn ni, kichook ngbaan ni, le ki peei ŋitakpal ti gbiin li ni. Le Israel yaab mɔmɔk nan san, bimɔk san cha bido bido.

2 Samuel 19:10

Ti di Absalom kaan ke timi aabɔr, le bi ku u butɔb ni. Kina pu na, ba ŋa ubaa aan pɔɔn ubaa ki giin ni Ubɔr David?”

2 Samuel 19:40

Ubɔr David aah puur Jɔɔdann aamɔɔl, aan Juda aajab mɔmɔk, ni Israel aajab ligetekr libaa cheen ni u cha na, u nan buen Gilgal la, le Kimham dii u.

2 Samuel 22:44

Aa gaa mi lii, maanib bi yii maamɔb na chee ki cha m beenin ye ŋitimbol aayidaan; maah kaa nan nyi binib bi na le gur ye maatutum.

2 Samuel 5:20

Kina pu le David buen nin chee bi yin ni ke Baal Perasim na, le ki ti nyaŋ Filistia yaab nima. U nan bui ke, “Uwumbɔr bɔ jer maadim ponn ni ke nwam na.” Kina pu le bi yin libuul ngbaan ni ke Baal Perasim.

Ilahn 18:43

Aa gaa mi binib bi yii maamɔb na chee lii, ki ŋa mi ŋitimbol aayidaan, maah kaa nan nyi binib bi na le gur ye maatutum.

Nnyam 32:24

Le m bui bi ke bi li joo ni salmaa aatafajɔn tiib, le binib bi kpa na joo ni nan tii mi. Le m donn bi mmii ni, ki di ŋa unaajabo ngbaan.”

1 Samuel 17:50

Kina pu na, David aa nan di kijaak aajuk le nyaŋ ki ku Goliaf. U nan di lifulaataln ni litakpal le ku u.

1 Samuel 18:25

Le Sɔɔl ki bui bi ke bi ti tuk David ke, “Ubɔr aah ban tichoowan ni aa chee na le ye Filistia aajab aanikpol aanimbiin ni aawan aagban nkub, ke u di teen waadim.” Sɔɔl aah nan kpokl pu ke Filistia yaab ku David na le bi na.

1 Samuel 19:5

U nan di waamɔfal ŋa uŋaal ni, le ki ti ku Goliaf, le Uwumbɔr tii Israel yaab mɔmɔk linyaŋ sakpeln. Saah nan kan kina na, ni nan mɔ si la. Ba tee ki ŋa, aa ki ban aa tun titunwanbir unii u kaa kpa taani ubaa na pu, ki ku David, tibɔr ti kaa kpa tataa na pu?”