2 Samuel 19:43 - Uwumbɔr aagbaŋ

⁴³ Le Israel yaab gar ke, “Hali u yaa ye nimi aanii le kan, ti mu kpa naah kpa nsan mu ke u ye nimi aanii na la. Ti ye ŋinibol kipiik la. Ba ŋa ni lik seen timi? Taa suln man ke timi le puen len ke ni ŋan ke u gir ni.” Tɔ, Juda aajab aamɔi nan pɔɔ ki jer Israel yaab, ke u ye baanii la.

2 Samuel 19:43 ပူးပေါင်းရင်းမြစ်များ

2 Samuel 19:14

David aaliin yee nan cha u kan Juda aajab mɔmɔk aapak, le bi di lilambil tii u, ke u ni waajab mɔmɔk gir ni.

2 Samuel 19:9

Kitiŋ ngbaan mɔmɔk pu, bi nan bi jaa biŋmeen la. Bi nan bui tɔb ke, “Ubɔr David le gaa timi lii, timi aadim chee. U nan gaa timi Filistia yaab chee lii, le dandana wee u san cha kitiŋ kee, Absalom pu.

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

2 Samuel 20:6

Kina pu le ubɔr nan bui Abisai ke, “Seba ga tii timi tibɔr, ki jer Absalom aah nan tii timi tibɔr pu na. Di maajab paan u pu, naa ye kina kan, u ga gaa tijawan aatim mubaa ki ŋmar.”

2 Samuel 5:1

Israel aanibol mɔmɔk nan dan David chee, Hebronn aatiŋ ni, ki ti bui u ke, “Timi ni sin ye lipubaan ni aanib la.

1 Bibɔrb 12:16

Binib ngbaan aah ti bee ke ubɔr aan ŋun tii bi na, le bi teen mpɔɔn pu ke, “David mu ni waadichal. Bi kee ŋa ba tii timi? Israel yaab, cha ti kun man. Cha Rehoboam joo ubaa aadichal man.” Kina le Israel aanib nan yakr

Ŋiyataŋak 13:10

Kigaak joo ni kijaak baanja la. Aa yaa ban nsurm kan, ni soor.

Ŋiyataŋak 15:1

Ngarm mu bi suuna na sɔŋni liŋuul la, le mmɔpɔɔn aagarm fiini liŋuul.

Ŋiyataŋak 17:14

Kinikpakpak aah ga piin pu na naahn mmɔgbaamii la; goo ki aan ki taa ki foor kpee.

Ŋiyataŋak 18:19

Ter aana aabo aan u li kii si ke ligoln li kii kitisakpeŋ na. Tɔ, aa ni uma yaa jaa kan, waan ki cha aa koo ni waadichal ni.

Rom Yaab 12:21

Unii yaa ŋa si bakaa kan, taa cha bakaa ngbaan nyaŋ si. Cha tiŋann le nyaŋ bakaa.

Galantiya 5:15

Ni mu yaa kpa lipiipoln ki kpak tɔb kinikpakpak kan, ni li nyi, ni ga kuln tɔb.

Galantiya 5:20

ki dii ŋiwaa, ki chuun ji inyɔk, ki nan binib, ki ban tibɔr, ki kpa lipiipoln, ki kpa liŋuul, ki kpa kukumɔŋ, ki kpak tɔb kinikpakpak, ki yakr tɔb,

Galantiya 5:26

Ti taa li kpa kalmbaani, ki taa muk tɔb, ki taa li kpa lipiipoln tɔb pu.

Filipi 2:3

Ni taa li kpa lipiipoln tɔb pu, ki taa li ban ke binib li pak nimi. Ni sunn nibaa taab man, ki li nyuŋni tɔb ki jer nibaa.

Jemisi 1:20

ba pu? binib aaŋuul aa tun Uwumbɔr aatunyaan.

Bibɔjirb 8:1

Efraim aajab nan bui Gideonn ke, “Saah cha aa ti faa Midiann yaab butɔb na, ba ŋa saa yin timi? Ba ŋa aa ŋa timi kina?” Bi nan len sakpen a.

Bibɔjirb 9:23

Le Uwumbɔr nan cha Abimelek ni Sekem aatiŋ aanib gur nan tɔb, le bi nyan sil u pu.