2 Samuel 19:39 - Uwumbɔr aagbaŋ

³⁹ Le David ni waajab mɔmɔk puur Jɔɔdann Aamɔɔl. U nan moor Basilai aatakpiln, ki mee Uwumbɔr aanyoor ŋa u pu, le Basilai gir kun linampal.

2 Samuel 19:39 ပူးပေါင်းရင်းမြစ်များ

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 31:55

Naah woln kichakpiik ni na, le Labann moor uyaabitiib ni ubisatiib aatakpin ki ŋa tinyoor ŋa bi pu, le ki chɔi bi, le ki gir kun udo.

Mpiin 45:15

Le u bub chuu bi mɔmɔk ki beenin wii ki moor bitakpin. Nee aapuwɔb, le u ni ukpetiib piin ki bi gbaa tɔb chee tibɔr.

Mpiin 47:10

Le Jakob chɔi ubɔr, ki ki ŋa tinyoor ŋa u pu, le ki gir buen waamaal chee.

Mpiin 47:7

Le Josef di ute Jakob mu buen ubɔr chee u ti doon u. Jakob nan mee tinyoor ŋa ubɔr ngbaan pu.

2 Samuel 13:25

Le ubɔr bui ke, “Maabo, taan ŋmaa dan. Ti yaa dan kan, ni ga nan li ye si limukl la.” Absalom aa nan kii, le ubɔr mu aa kii tii u, le ki len tinyoor aaliin ki ŋa u pu.

2 Samuel 14:33

Le Joab buen Ubɔr David chee ki ti bui u Absalom aah len pu na. Le ubɔr nan tun yin ni Absalom, le u buen u chee ki ti gbaan kitiŋ unimbiin ni. Le ubɔr doon u ki moor utakpiln.

2 Samuel 19:38

Le ubɔr gar u ke, “M ga di u buen, ki ti ŋa saah ban pu na tii u, ki ga ŋa aa mu aah ban pu na tii si.”

2 Samuel 6:18

Waah toor kitork ngbaan doo na, le u mee Uwumbɔr, u yeh mpɔɔn mɔmɔk na, ke u ŋa tinyoor ŋa binib ngbaan pu,

2 Samuel 6:20

Le David mu kun udo, u ti mee Uwumbɔr aanyoor waadichal ni yaab pu; le Mikal nyan nan tooh u nsan ni, le ki len ke, “Israel yaab aabɔr ban liyimbikpaan tii ubaa din wee. U di ubaa mɔk waaninkpiib aanaagbiisapɔm ke ujɔr na.”

1 Bibɔrb 19:20

Le Elaisa siir cha inaa na, ki san paa Elaija pu ki len ke, “Cha m ti chɔi nte ni nna, aan ki nan dii si buen.” Le Elaija gar u ke, “Li cha, maa joo si.”

Nkahm 24:25

Balaam nan siir le ki gir kun udo aatiŋ ni, le Balak mu siir buen udo.

Tibɔnyaan ti Luk ŋmee ti na 2:34

Le Simeonn ŋa Uwumbɔr aanyoor ŋa bi pu, le ki bui ubo ngbaan aana Mari, “Uwumbɔr nyan ubo ngbaan ke u sunn timi Israel yaab ponn ni pam taab, ki nyuŋ ti ponn ni pam mu. U ye limɔkl li binib pam ga yii li na.

Lituln 20:37

Le bi mɔmɔk ubaabaa chaa ki ti joo biŋaal kpalni Pɔɔl, ki joo bumɔb moor utakpiln, ki wii.

1 Tesalonika 5:26

Ni doon tinaabitiib mɔmɔk mbamɔm.

Ruf Aagbaŋ 1:14

Le bi nan ki piin ki bi wii; le Opa chɔi uchapii ki gir kun, le Ruf ma si bub joo uchapii kaan di u lii.

1 Samuel 24:22

Le David puu tii u ke waan ku bi. Le Sɔɔl gir kun udo, le David ni waajab mu gir buen baah bɔr nin chee na.