2 Samuel 19:24 - Uwumbɔr aagbaŋ

²⁴ Le Sɔɔl aayaabil Mefibosef mu dan ke u nan tooh ubɔr nsan ni. Waa nan finn utaa, kaa kuu ulangbaln, kaa finn waawanpeenkaan, ki nyan bundaal Ubɔr David nan nyan Jerusalem ni na, ki nan saa waah di linyaŋ gir ni pu na.

2 Samuel 19:24 ပူးပေါင်းရင်းမြစ်များ

2 Samuel 12:20

Le David fii kitiŋ, ki fu nnyun, ki chaa uyil, le ki kpeln waawanpeenkaan, le ki buen Uwumbɔr Aadichal ni, u ti doon uma Uwumbɔr. Waah gir ni libɔrdichal ni na, le u cha bi tii u tijikaar, le u jin ti libuul ngbaan ni.

2 Samuel 15:30

David nan bi joi Olif Aajool le ki wii. Waa nan tak ŋinaatak, le ki di tiwan biin uyil pu ki mɔk ke usui bii. Binib bi mɔmɔk nan dii u na mu nan di tiwan biin biyil pu, ki mu wii.

2 Samuel 16:3

Le ubɔr David baa u ke, “Sɔɔl aayaabil Mefibosef bi la chee?” Le Siba bui u ke, “U bi Jerusalem ni; ba pu? u kpa gaakii ke Israel yaab ga giin u nan kaan uyaaja Sɔɔl aanaan ni.”

2 Samuel 9:11

Le Siba gar u ke, “Mpɔɔndaan, m ga ŋa tiwan nimɔk aa bui ke m ŋa na.” Kina pu le Mefibosef nan ji ubɔr chee tijikaar ke ubɔr aajapɔɔn na.

1 Bibɔrb 2:8

“Gera aajapɔɔn Simei u nyan Bahurim aatiŋ ki bi Benjaminn aapepel ni na aabɔr sɔ: Nwiin mundaal m nan buen Mahanaim aatiŋ ni na, u nan puun pam lii m pu, tɔ, waah nan ti ki kan mi Jɔɔdann Aamɔɔl chee na, m nan puu Uwumbɔr aayimbil pu tipuukpaan tii u, ke maan cha bi ku u.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Jeremia 41:5

bijab imonko inaa nan nyan ni Sekem, ni Silo, ni Samaria. Bi nan kuu bilangban, ki kar kar baawanpeenkaan, ki kpa tidaan biwon pu. Bi nan joo ni tijikaar ni tulalee aayon ke bi nan tii ipiin Uwumbɔr Aadichal ni.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Rom Yaab 12:15

Ni li kpa mpopiin binib bi kpa mpopiin na chee, ki li wii binib bi wii na chee.

Hiibru Yaab 13:3

Ni teer man binib bi bi kiyondiik ni na, ke nimi le aah bi ki ni na, ki teer man binib bi ji falaa na. Ba pu? ni mu bi tiwon tee ni la.