2 Samuel 18:9 - Uwumbɔr aagbaŋ

⁹ Libuul ngbaan ni, le Absalom kan David aajab bibaa. Absalom nan dik kiwakork ki naahn ubon na pu la, le ki ban u jer likpaln aasub bubaa taab, le uyikpir lɔk isubon, le kiwakork ngbaan san jer, le Absalom gaar lun busub ngbaan pu.

2 Samuel 18:9 ပူးပေါင်းရင်းမြစ်များ

2 Samuel 13:29

Le bitutum ngbaan nan dii Absalom aah mɔk bi pu na ki ku Amnonn. David aajapɔtiib bi nan gur na nan diŋ baawakor ti naahn ibon na pu, le ki san.

2 Samuel 14:26

Uyikpir nan wiir sakpen, le u chee ti nfum mubaabaa libiln libiln, buyoonn ti ti fɔk sakpen ki nyuŋ na. Taanyunyuun ga nan jer ndibim kuruwaa bilee aanyunyuun.

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Samuel 18:10

David aaja ubaa le nan kan u, le ki ti bui Joab ke, “Maaninkpel, m kan Absalom lun likpaln aasub bubaa pu.”

2 Samuel 18:14

Le Joab bui ke, “Maan ki taan aa chee kpala.” U nan yoor tikpaatunn titaa, le ki ti di ti too yun Absalom aabiŋ, waah laa fu, ki lun likpaln aasub ngbaan pu pu na,

2 Samuel 18:8

Kijaak ngbaan nan yaa koo kitiŋ ngbaan aatingbaan ni, le binib bi nan kpo kichook ni na nan jer baah ku bi butɔb ni na.

Job Aagbaŋ 31:3

U joo ni tibɔbir ni libiil le nan tii binib bi tun taani na.

Ŋiyataŋak 20:20

Aa yaa puun lii aate bee aana pu kan, saamɔfal ga junn ke karyaa aah junni mbɔmbɔɔn ni pu na la.

Ŋiyataŋak 30:17

Unii umɔk ŋani ute yaansara na, ni unii umɔk lik una fam waapininkpir ni na ŋan ke nangba tiib le ji u, le ikaabɔn mu gaa lokr unimbil.

Jeremia 48:44

Uwumbɔr aah siin n‑yoonn mu ke u kuln Moab na, unii umɔk pɔɔn ubaa ke u san ŋmar ijawaan chee na ga lir ŋibugen ni, le umɔk baar nyan ŋibugen ni na, gaawɔb mam le ga chuu u.

Matiu 27:5

Le u di ŋimombil ngbaan di lii Uwumbɔr Aadichal ni, ki siir cha bi, le ki buen ti leen ubaa ŋŋmin le ki kpo.

Tibɔnyaan ti Mak ŋmee ti na 7:10

Moses nan len ke, ‘Aa li pak aate ni aana,’ ki ki len ke, ‘Unii yaa len tibɔbir lii ute, bee una pu kan, ni ku u.’

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Ikaal 21:23

ni taa cha uwon ngbaan li lee nima chee ki woln kitaak. Ni di tiwon ngbaan sub liyaadaal ngbaan, ba pu? linikpol ngbaan aah lee busub ngbaan pu na, Uwumbɔr ga cha tibɔr dan kitiŋ ngbaan pu. Ni di tiwon ngbaan sub, nima kan, naan bii kitiŋ ki Nidindaan Uwumbɔr ban u di tii nimi na.

Ikaal 27:16

“‘Uwumbɔr aamɔpuur bi unii umɔk lik seen ute bee una na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 27:20

“‘Uwumbɔr aamɔpuur bi unii umɔk doon ute aapuu chee ki jinn ute inimɔɔn na pu.’ “Le binib ngbaan mɔmɔk ga kpaan ki kii ke, ‘Amii.’