2 Samuel 18:8 - Uwumbɔr aagbaŋ

⁸ Kijaak ngbaan nan yaa koo kitiŋ ngbaan aatingbaan ni, le binib bi nan kpo kichook ni na nan jer baah ku bi butɔb ni na.

2 Samuel 18:8 ပူးပေါင်းရင်းမြစ်များ

2 Samuel 18:7

David aajab nan nyaŋ Israel yaab; linyaŋ ngbaan nan kpa ijawaan. Nwiin ngbaan daal, bi nan ku Israel aajab ŋichur moninko la.

2 Samuel 18:9

Libuul ngbaan ni, le Absalom kan David aajab bibaa. Absalom nan dik kiwakork ki naahn ubon na pu la, le ki ban u jer likpaln aasub bubaa taab, le uyikpir lɔk isubon, le kiwakork ngbaan san jer, le Absalom gaar lun busub ngbaan pu.

1 Bibɔrb 20:30

Bijab bi nan san ŋmar na nan san ti koo Afek aatiŋ ni, nima chee le kitiŋ ngbaan aagon lir ki ku bi ponn ni ŋichur moninko ni ŋilole. Ben‑Hadad nan san ŋmar ki ti bɔr kitiŋ ngbaan ni, lidichal libaa aadiik ki bi linambakol na ponn ni.

Ilahn 3:7

Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Nnyam 15:10

Uwumbɔr, aa nan fuur lii Ijipt yaab pu nfum mbaa le bi muin ke tikur na, ki bee nnyusakpem ni.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;

Ŋiyataŋak 24:22

kina aanib aamɔfal aa cha mɔb pu. Uwumbɔr ni ubɔrkpaan ga ŋmaa tii si tibɔr.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.