2 Samuel 18:7 - Uwumbɔr aagbaŋ

⁷ David aajab nan nyaŋ Israel yaab; linyaŋ ngbaan nan kpa ijawaan. Nwiin ngbaan daal, bi nan ku Israel aajab ŋichur moninko la.

2 Samuel 18:7 ပူးပေါင်းရင်းမြစ်များ

2 Samuel 15:6

Absalom nan ŋani Israel aanii umɔk nan dan ubɔr chee ki ban ibamɔn na kina la, le ki gaa bi chee ubɔr aapak.

2 Samuel 18:6

Ubɔr David aajab nan nyan yal kitiŋ ngbaan pu, le bi ni Israel yaab ti di kijaak piin, Efraim aachook ni.

2 Samuel 18:8

Kijaak ngbaan nan yaa koo kitiŋ ngbaan aatingbaan ni, le binib bi nan kpo kichook ni na nan jer baah ku bi butɔb ni na.

2 Samuel 2:17

Le butɔb sakpen fii, le David aajab nyaŋ Abner ni Israel aajab.

2 Samuel 2:26

Le Abner teen bui Joab ke, “Ba ŋa ti jaa aan kijaak ngbaan aa kpa ki doo? Saa nyi ke kijaak ngbaan aadoon ga nan li ye mpombiin ŋmeen la aa? Ti ye saatiŋ aanib la. Bayoonn aan aa ga bui saajab ke bi taa ki san dii timi?”

2 Samuel 2:31

David aajab nan ku Abner aajab bi ye Benjaminn aanibol aanib na ikui itaa ni imonko itaa la.

Ilahn 144:10

Aa tii bibɔrb linyaŋ, ki gaa saatutunn David lii.

Ŋiyataŋak 11:21

Li nyi gbin gbin ke titunwanbirdam ga kan ntafadaan, le binib bi aabimbin ŋan na ma ga ŋmar.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;