2 Samuel 18:27 - Uwumbɔr aagbaŋ

²⁷ Ukikiir ngbaan nan bui ke, “Njan aaja na san ke Ahimaas na la.” Le ubɔr bui ke, “U ye uninyaan la, le ki joo ni tibɔnyaan.”

2 Samuel 18:27 ပူးပေါင်းရင်းမြစ်များ

2 Samuel 18:26

Le ukikiir ngbaan ki kan uja uken mu ki san choo, le u ki teen bui ni mbisamɔb aakikiir ke, “Lik, uja uken mu ki san choo.” Le ubɔr gar ke, “U mu ki joo ni tibɔnyaan la.”

1 Bibɔrb 1:42

Waa kee len doo, le utotoor Abiatar aajapɔɔn Jonatann fuu ni. Le Adonija bui u ke, “Koo ni, aa ye uninyaan la, aa ga li joo ni tibɔnyaan la.”

2 Bibɔrb 9:20

Ukikiir ngbaan nan ki tuk bi ke ntuun ngbaan mu fuu bijab ngbaan chee, ki mu aa ki gir ni, le ki ki len ke, “Bijab ngbaan aasaloln ŋaal waataan aatɔroku ke uwaar na la, ke Jehu aah ŋaal pu na.”

Ŋiyataŋak 25:13

Ntuundaan u gbaa ibamɔn na naahn nnyunsoom aah bi pu kitotoŋ aayoonn na la.

Ŋiyataŋak 25:25

Aa yaa ŋun tibɔnyaan ti nyan ni dandar na kan, ni naahn ke saah kan nnyunsoom n‑yoonn mu nnyunyuu joo si na la.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”