2 Samuel 18:24 - Uwumbɔr aagbaŋ

²⁴ David nan ka kitiŋ ponn ni aabisamɔb ni lipaal wɔb aabisamɔb aasisik ni aapaan na ni la. Ukikiir u nan si kii na nan buen ti jon ligoln paab, ki ti sil mbisamɔb chee; le ki lik, ki kan ke uja ubaa san choo.

2 Samuel 18:24 ပူးပေါင်းရင်းမြစ်များ

2 Samuel 13:34

N‑yoonn mue na Absalom nan san. Libuul ngbaan ni le uja u nan si kii kitiŋ ngbaan liyaadaal ngbaan na kan kinipaak bi Horonaim aasan ni, ki sunn ligongoln choo. Le u buen ti bui ubɔr waah kan pu na.

2 Samuel 18:23

Le Ahimaas ki bui ke, “Ni yaa ye pu na kan, m ban m buen.” Le Joab bui u ke, “Kina kan, li cha.” Le Ahimaas di guu kaar, ki di dii Jɔɔdann Aafataŋ ni, le ki kpaan san jer unaagbiija ngbaan pu nsan ni.

2 Samuel 18:25

U nan teen ki bui ubɔr, le ubɔr bui ke, “U yaa dii ubaa kan, u joo ni tibɔnyaan la.” Utaasann ngbaan nan moo ŋɔŋ ni bi pu.

2 Samuel 18:4

Le ubɔr ngbaan bui ke, “M ga ŋa naah dak ke ni ŋan na la,” le ki sil gbaŋ kitiŋ ngbaan aabisamɔb, le waajab lul jer lichur lichur, ni nkub nkub.

2 Samuel 19:8

Le ubɔr fii, ki ti kal kitiŋ ngbaan aabisamɔb chee. Waajab nan ŋun ke u bi nima, le bi mɔmɔk kuun ti goln u. N‑yoonn mue na, Israel yaab mɔmɔk nan san, uja mɔk san cha udo.

1 Samuel 4:13

Eli, u nan ka lijal pu nsan chee, aan Uwumbɔr Aakaal Aadakaa aabɔr muk u sakpen na, nan ka lik nsan pu. Uja ngbaan nan di tibɔr ngbaan moon kitiŋ ponn ni, le ijawaan chuu binib mɔmɔk, le bi wii.