2 Samuel 18:18 - Uwumbɔr aagbaŋ

¹⁸ Absalom aah nan laa bi limɔfal ni na, u nan maa tiwan nibaa siin ubaa pu, kifataŋ ki bi yin ki ke Ubɔr aafataŋ na ni; ba pu? waa nan kpa ubijabo u ga cha waayimbil taa kpo na. Kina pu na, u nan di ubaa aayimbil le yin tiwan ngbaan, ki nyan n‑yoonn ngbaan ki nan saa din wee, bi beenin yin ni ke Absalom Aateerm Aawan la.

2 Samuel 18:18 ပူးပေါင်းရင်းမြစ်များ

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Mpiin 11:9

Bi nan yin kitiŋ ngbaan ke Babiloŋ, ba pu? nima chee le Uwumbɔr nan yakr binib mɔmɔk aaliin, ki cha bi yaa tɔb chee ki ti saa ni kookoo dulnyaa wee ni.

Mpiin 14:17

Buyoonn Abram nan ti nyaŋ ubɔr Kedolaomer, ni bibɔrb biken, aan ki gir choo kun ni na, le Sodom aabɔr nan tooh u nsan pu, le bi nan ti ton tɔb, Safe aafataŋ ki bi yin ki ke Ubɔr Aafataŋ na ni.

2 Samuel 14:27

Absalom nan kpa mbijabim bitaa, ni upiibo ubaa, le bi yin u ke Tamar. U nan ye upii u ŋan sakpen na la.

Ilahn 109:13

Cha uyaabitiib mɔmɔk kpo, ki cha n‑yoonn mu choo na yaab suln waayimbil bɔr.

Ilahn 49:11

Baakaakul ga li ye bido ki ti saa n‑yoonn mu kaa kpa ndoon na; nima chee le bi ga li bi n‑yoonn mɔmɔk, bi mu nan tee kpa bibaa aatim n‑yoonn mubaa.

Aisaya 22:16

“Aa yin aabaa ŋma? Aa kpa ba aasan ke aa gbii likaakul ŋitakpal ni, ligongoln ni, tii aabaa?

Jeremia 22:30

M siin ke uja wee lann waabim ki li ye uja u kaan kan tinyoor na. Waan li kpa yaabitiib bi ga nan li joo Juda aatiŋ ke Ubɔr David aah nan ye pu na. Min Uwumbɔr le len kina.”

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Nkahm 32:42

Le Noba mu buen ti tak le ki jenn gaa Kenaf aatiŋ, ni kaatingbaan mɔmɔk, ki di waayimbil Noba yin ki.

1 Samuel 15:12

Kitaak aah woln na, le u buen u ti ban kan Sɔɔl. U nan ti ŋun ke Sɔɔl buen Kamel aatiŋ ni, nin chee u maa tiwan siin waayimbil pu na, le ki nyan nima buen Gilgal ni.