2 Samuel 17:8 - Uwumbɔr aagbaŋ

⁸ Aa nyi ke aate David ni waajab ye bijab bi kpa lipobil na la, ki ki nyi ke bi bir ke baah chuu kipeewanbiik ki aabo na la. Aate ye uja u nyi butɔb aabɔr na la, le waa doo waajab chee kinyeek.

2 Samuel 17:8 ပူးပေါင်းရင်းမြစ်များ

2 Samuel 15:18

Waaninkpiib nan sil gbaŋ u, le ubɔr aakikiib lul jer unimbiin ni. Le bijab ikui iloob bi nan dii u nyan ni Gaf aatiŋ ni na mu jer,

2 Samuel 17:9

Libuul lee ni kina u bɔr kitakpaluŋ kibaa ni, bee u bi nibaa chee. Unii umɔk ŋun ke David tak saajab na kan, u ga kpaan bui ke u nyaŋ saajab a.

2 Samuel 23:16

Le bijakpaam bitaa ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

2 Samuel 23:18

Joab u nan ye Seruya aabo na aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

2 Bibɔrb 2:24

Elaisa nan fenn lik bi, le ki di Uwumbɔr aayimbil puun lii bi pu. Le tipeewanbir tibaa nyan ni kichook ni ki nan dar par par bi ponn ni mbijabim imonko ilee ni bilee.

Ŋiyataŋak 17:12

Aa yaa to takɔ u binib ku waabim mɔmɔk na nsan ni kan, ni ŋan jer ke aa ti kan ujɔr aah bi tun waajɔrk aatuln pu na.

Ŋiyataŋak 28:15

Ubiindaan yaa bi mpɔɔn ni kan, bigiim aa kani nterm u chee, u bir le ke uchinn na, bee unaamuun na.

Esekiel 19:2

Aana nan ye uchinnpiikpaan le ichinn ni. U nan kpiin waabim ichinnja i bir na aakaasisik ni la.

Daniel 7:5

Kipeewanbiik sakpeŋ kiken nan ki nyan ni ki si kitaajal pu. Ki nan kpob isikakpab itaa kimɔb ni, le nneel bui ki ke, “Li ŋmɔ, ŋmɔ tinann saah gee pu na mɔk.”

Hosea 13:8

M ga tak nimi ke kipeewanbiik ki aabim wɔŋ na, le ki daa par nimi. M ga di nimi ŋmɔ mala ke uchinn na libuul ngbaan ni, ki daa par par nimi ke kipeewanbiik na.

Bibɔjirb 18:25

Dann aanibol aajab ngbaan nan bui ke, “Aa yaa kaa ban ke aa fiin bijab bimina aaŋuul ke bi tak nimi kan, aa taa ki len tibaa. Ni yaa kaa ye kina kan, aa ni saadichal mɔmɔk ga kpo,”

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 17:50

Kina pu na, David aa nan di kijaak aajuk le nyaŋ ki ku Goliaf. U nan di lifulaataln ni litakpal le ku u.

1 Samuel 23:23

Bee man libuul li ni chob u bɔr na, ki gir nan tuk mi man mala. Le m ni nimi dii buen, le u yaa beenin bi nima kan, m ga tee mban kan u. Hali ni yaa ye ke m ban u Juda aatiŋ mɔmɔk ni kan, m ga ban kan u.”