2 Samuel 17:28 - Uwumbɔr aagbaŋ

^28-29 Bi nan joo ni ŋisambil, ni ŋibuu, ni tiwandookaan, ni tijikaar mu nan tii David ni waajab: njikaabim, ni baah ken mu na mu, ni n‑yon, ni ŋisin, ni simaa, ni tisiir, ni wangaasi, ni nnaabiinkpan, ni tiwakor mu. Bi nan nyi ke nkon ni nnyunyuu ga li joo David ni waajab nteersakpiin ngbaan ni, lisachuln ngbaan mu tii bi tibakr pam.

2 Samuel 17:28 ပူးပေါင်းရင်းမြစ်များ

Mpiin 25:34

Le Jakob mu di tijikaar ni tikpin ngbaan tii Esɔ. U nan jin ki nyun le ki fii buen. Nima le mɔk ke Esɔ aatafal aa nan bi tininkpir ni.

Ŋiyataŋak 11:25

Li kpa tiŋann sakpen aan ki moo kan liwangol. Ter biken aan ki mu kan nterm.

Aisaya 32:8

Le unii u kpa kipak na tun lituln li ga joo ni u kipak na, ki si chob buyoonn u kan mbamɔn dɔ na.

Obadia 1:3

Nimi aagaak le ŋmann nimi. Nimi aatiyil pɔɔ ke litakpal na la, le nido bi ŋijoo ŋi fɔk na pu, le ni bui nibaa ke, ‘Ŋma ga ŋmaa daa ker timi lii ni taab?’

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

1 Samuel 25:18

Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,