2 Samuel 17:17 - Uwumbɔr aagbaŋ

¹⁷ Abiatar aajapɔɔn Jonatann ni Sadok aajapɔɔn Ahimaas nan bi Enn Rogel aayayak aanyunbun na chee, Jerusalem aanambokon ni, le ki kii; baa ban ke unii ubaa kan bi koo ni Jerusalem ponn ni. Unaagbiipiibo ubaa le nan chaa ti tuk bi naah bi pu na, le bi mu buen ti bui Ubɔr David.

2 Samuel 17:17 ပူးပေါင်းရင်းမြစ်များ

2 Samuel 15:27

le ki bui Sadok ke, “Saa ye Uwumbɔr aabɔnabr aa? Cha aajapɔɔn Ahimaas, ni Abiatar aajapɔɔn Jonatann li dii si cha kitiŋ ponn ni, ki li kpa nsuudoon.

2 Samuel 15:35

Bitotoorb Sadok ni Abiatar ga li bi nima; bui bi tibɔr timɔk aa ŋun ubɔr do na.

2 Samuel 15:36

Bijapɔtiib Ahimaas ni Jonatann bi bi chee, le aa ga ŋmaa di tibɔr timɔk aa ŋun na tun ni bi m chee.”

1 Bibɔrb 1:42

Waa kee len doo, le utotoor Abiatar aajapɔɔn Jonatann fuu ni. Le Adonija bui u ke, “Koo ni, aa ye uninyaan la, aa ga li joo ni tibɔnyaan la.”

1 Bibɔrb 1:9

Daalbaadaal le Adonija nan di ipiih, ni inaaja, ni inaabi i bi kpiin i, aan i filk sakpen na toor kitork, “Uwaa Aatakpal” li bi Enn Rogel aayayak aanyunbun chee na. U nan chɔi Ubɔr David aajapɔtiib biken, ni ubɔr aaninkpiib bi nyan ni Juda aatiŋ ni na, ke bi dan kitork aajim ngbaan ni.

Josua 15:7

ki yoor ni Tibɔbir Aafataŋ mɔk, ki ti nyan Debir aatiŋ pu, le ki fenn ŋŋangan wɔb ki di kpaa Gilgal aatiŋ, ki ni Adumim Aajool Aasan lik tɔb na, ki bi kifataŋ aaŋangii wɔb na, le ki yoor kina ki buen Ensemes aanyunbun wɔb, ki nyan nima ti pii Enn Rogel,

Josua 18:16

le ki ki di kina buen lijool li bi Hinom Aafataŋ chee, Refaim Aafataŋ aaŋangan wɔb na, le ki ki bɔ dii Hinom Aafataŋ aaŋangii wɔb, Jebus yaab aadunduŋ aaŋangii wɔb, le ki buen Enn Rogel aatiŋ chee,