2 Samuel 17:12 - Uwumbɔr aagbaŋ

¹² David yaa bi nimɔk na kan, ti ga kan u ki tak u waahr aan u nin ŋun taah bi ŋani pu na. U ni waajab mɔmɔk ni, ubaa aan ŋmar.

2 Samuel 17:12 ပူးပေါင်းရင်းမြစ်များ

1 Bibɔrb 20:10

“M ga tun ni bijab bi wiir na aan bi nan kuln saatiŋ ngbaan ki faa kaah ber pu na ŋum ni biŋaal ni. M yaa kaa ŋa kina kan, ŋiwaa faa ku mi.”

2 Bibɔrb 18:23

Asiria aatiŋ aabɔrkpaan aayimbil pu le m ga cha ti kpokl nkpokl mubaa. Ni yaa kpa bijab ŋichur ŋilee kan, m ga ŋmaa tii nimi itaan kina aan bi li jak i.

2 Bibɔrb 19:24

Aa puk kipupuk ke aa gbii inyunbun ki nyun biwɔwɔm aatim ni aanyun, ki bui ke saajab taa taa foor Nail Aamɔɔl aanyun.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Obadia 1:3

Nimi aagaak le ŋmann nimi. Nimi aatiyil pɔɔ ke litakpal na la, le nido bi ŋijoo ŋi fɔk na pu, le ni bui nibaa ke, ‘Ŋma ga ŋmaa daa ker timi lii ni taab?’

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

1 Samuel 23:23

Bee man libuul li ni chob u bɔr na, ki gir nan tuk mi man mala. Le m ni nimi dii buen, le u yaa beenin bi nima kan, m ga tee mban kan u. Hali ni yaa ye ke m ban u Juda aatiŋ mɔmɔk ni kan, m ga ban kan u.”