2 Samuel 17:11 - Uwumbɔr aagbaŋ

¹¹ Maasurm le ye ke aa kuun ni Israel aanib mɔmɔk Israel aatiŋ kee pu nan kpaan. Bi li wiir ke litambol li bi nnyusakpem aagbaan na, le sin aabaa di bi buen butɔb.

2 Samuel 17:11 ပူးပေါင်းရင်းမြစ်များ

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

2 Samuel 12:28

Kuun ni saajab bi gur na, ki nan tak kitiŋ ngbaan ki gaa ki aabaa. Maa ban kipak ngbaan li ye mi yaan.”

2 Samuel 24:2

Kina pu le David bui waajab aaninkpel Joab ke, “Di saaninkpiib, ki bɔ dii Israel aanibol mɔmɔk aatim ni, ki kahn binib ngbaan. M ban m bee baah wiir pu na la.”

1 Bibɔrb 20:10

“M ga tun ni bijab bi wiir na aan bi nan kuln saatiŋ ngbaan ki faa kaah ber pu na ŋum ni biŋaal ni. M yaa kaa ŋa kina kan, ŋiwaa faa ku mi.”

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 3:20

Kina pu le Israel aanib mɔmɔk, bi bi Israel aatiŋ ŋipepel mɔmɔk ni na bee ke Samuel nan sil ye Uwumbɔr aabɔnabr la.