2 Samuel 17:10 - Uwumbɔr aagbaŋ

¹⁰ Israel yaab mɔmɔk nyi ke David ye ujakpaan, le waajab mu kpa lipobil, nima pu le uja umɔk kaar kaa san nibaa ke uchinn na, ga san ijawaan.

2 Samuel 17:10 ပူးပေါင်းရင်းမြစ်များ

Mpiin 49:9

Juda, aa naahn uchinn u ku tinann, ki ki gir buen waadɔdooyaan na la. U yaa doon ke u naar ubaa kan, ubaa aan kaa ke u fiin u.

2 Samuel 1:23

Sɔɔl ni Jonatann nan ye binib la, le binib gee bi; baamɔfal ni, bi nan kpaan tɔb chee la, le baakun mu ni, bi ki kpaan tɔb chee; bi nan tun mala mala jer ŋikaagii, le ki pɔɔ jer ichinn.

2 Samuel 17:9

Libuul lee ni kina u bɔr kitakpaluŋ kibaa ni, bee u bi nibaa chee. Unii umɔk ŋun ke David tak saajab na kan, u ga kpaan bui ke u nyaŋ saajab a.

2 Samuel 23:20

Jehoyada, u nyan ni Kabseel na aajapɔɔn Benaya mu le nan ye uja u kpa liyimbil na; u nan tun lipobil aatun pam. U nan ku Moab aapobidam bilee bibaa. Daalbaadaal, u nan koo mbuu ni, nwiin mundaal ŋitaanal nan lir na, ki ti ku uchinn.

Ilahn 89:19

N‑yoonn mu jer na le aa nan kpiir tuk saatutum bi dii si mbamɔm na ke, “M tii butɔb aajakpaan ubaa nterm; m di libɔrjal tii unii u m lee u binib ngbaan ponn ni na.

Nnyam 15:15

Ijawaan nan chuu Edom aaninkpiib, le Moab yaab aayidam aawon gbaa, le Kanaann yaab aataakpab yɔl,

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Solomonn Aalahn 3:7

Solomonn, le bi tu u waabɔrjal pu choo; Israel aajab bi nyi butɔb aabɔr mbamɔm ki ye bijab bi kii u na ponn ni imonko itaa le dii u.

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Esekiel 21:15

Ki cha maanib aataakpab yɔl, le bi lir. M joo kijaak aajuk ki moor lak lak ke utaal na, ki gor ke ki ku na le faani baatiŋ.

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 18:17

Sɔɔl nan bui David ke, “Mbisal upol Merab sɔ. Aa yaa tun tii mi ki kaar ke uja u si udindaan aapuwɔb mbamɔm na, ki jaa Uwumbɔr aatɔb ponn ni kan, m ga cha aa di u ŋa aapuu.” Sɔɔl nan dak ke u yaa ŋa kina kan, Filistia yaab le ga ku David, naan li ye uma.