2 Samuel 16:4 - Uwumbɔr aagbaŋ

⁴ Le ubɔr David bui Siba ke, “Mefibosef aah kpa tiwan nimɔk na ŋa sin yaan la.” Le Siba kii ke, “M ye saatutunn la. Mpɔɔndaan, cha m li piir aasui n‑yoonn mɔmɔk.”

2 Samuel 16:4 ပူးပေါင်းရင်းမြစ်များ

2 Samuel 14:22

Le Joab tar gbaan David aanimbiin ni, kipak ponn ni, le ki bui ke, “Mpɔɔndaan, Uwumbɔr ŋa tinyoor ŋa aa pu. Dandana wee m bee ke aasui piin m pu; ba pu? aa kii ki ŋa maah mee pu na.”

2 Samuel 14:4

Upii ngbaan nan buen ubɔr chee, le ki ti gbaan kitiŋ, le ki bui u ke, “Mpɔɔndaan, ter mi.”

2 Samuel 14:8

Le ubɔr bui u ke, “Li chaa kun, m ga lik ti ponn ni.”

2 Samuel 16:3

Le ubɔr David baa u ke, “Sɔɔl aayaabil Mefibosef bi la chee?” Le Siba bui u ke, “U bi Jerusalem ni; ba pu? u kpa gaakii ke Israel yaab ga giin u nan kaan uyaaja Sɔɔl aanaan ni.”

2 Samuel 16:5

Ubɔr David aah ti fuu Bahurim na, le Gera aajapɔɔn Simei, u ye Sɔɔl aamaal aanii na keln u nima, ki puuni lir u pu ki choo.

2 Samuel 19:27

U nan ti mɔln inyamɔn le paan mi, si Mpɔɔndaan chee. Tɔ, Mpɔɔndaan, aa naahn Uwumbɔr aatuun la, kina pu na, ŋa mi saah dak ke ni ŋeer mi pu na.

2 Samuel 9:6

Jonatann aajapɔɔn Mefibosef, u aayaaja nan ye Sɔɔl na, aah fuu ni na, u nan gbaan David aanimbiin ni ki pak u. Le David yin u ke, “Mefibosef.” Le u kii ke, “Maaninkpel, m sɔ.”

2 Samuel 9:9

Le ubɔr yin ni Sɔɔl aatutunn Siba ki nan bui u ke, “M ban m di saaninkpel Sɔɔl aawan nimɔk nan ye u ni waadichal yaan na tii uyaabil Mefibosef la.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 18:13

Pel waahr ki nin gar tibɔr. Aa yaa kaa ŋa kina kan, aa ye ujɔr, ki ga kan inimɔɔn la.

Ŋiyataŋak 18:17

Unii u puen len tibɔr libɔjil ni na aabɔr bi le ke taah ŋan le na, tɔ, u ni unii u kpa tibɔr na yaa piin ki bi baa u mbaan kan, njirm fuur ni la.

Ŋiyataŋak 19:2

Nlan yaa kaa bi unimandaan chee kan, ni ye fam la; aa yaa ŋani tiwan kaa chur aabaa kan, ni joo si kooni tibɔr ni la.

Ikaal 19:15

“Unibaan aan ŋmaa sil ke u ŋa utunwanbirdaan aaseeraadaan aan ni kii ke waah len pu na ŋeer. Binib bilee, bee bitaa ga ŋmaa ŋa seeraadam, le baah len pu na, ni kii ke utunwanbirdaan ngbaan aabɔr bii.