2 Samuel 16:21 - Uwumbɔr aagbaŋ

²¹ Le Ahitofel gar u ke, “Buen ti doon aate aapuutiib waatiir bi gaar libɔrdichal ni na chee. Le Israel yaab mɔmɔk ga bee ke aa gur ye aate aadin la, le saadidiliib aataakpab ga pɔɔk.”

2 Samuel 16:21 ပူးပေါင်းရင်းမြစ်များ

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 38:16

Le u buen u chee nsan aagbaan ki ti baa u ke, “Tɔ, aa gaal iŋa?” Juda aa nan bee ke ubipuu le na. Le u mu baa u ke, “Aa ga tii mi iŋa?”

Mpiin 6:4

N‑yoonn ngbaan, ni nee aapuwɔb, le ŋiniwɔk, ni mpɔɔndam, ni bininyuum le nan bi dulnyaa ni. Ŋiniwɔk ngbaan aah nan yoor baah gee bipiib bi na le nan ma bi.

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

2 Samuel 12:11

M puu ke m ga cha saachiln ni aanii ban tibɔr sakpen tibaa tii si. Buyoonn m ga nan gaa aapuutiib aa chee, ki di tii uja ubaa aan u doon bi chee nwiin pu na, le aa ga kan ti.

2 Samuel 13:5

Le Jonadab bui u ke, “Ŋmann ke saa pɔɔ la, ki ti doon. Aate yaa dan u nan lik si kan, bui u ke, ‘M gaŋ si ke aa cha nninkpan Tamar dan nan li tii mi tijikaar. M ban ke u nan ŋa tijikaar ngbaan do, nin chee m ga li waa u na, aan ki nan di ti tii mi ubaa.’”

2 Samuel 15:16

Le ubɔr, ni waadichal, ni waaninkpiib mɔmɔk nyan Jerusalem ni. Upuutiib waatiir kipiik bi u nan cha bi gaar ke bi li lik libɔrdichal na baanja le nan gur.

2 Samuel 16:20

Le Absalom fenn toŋ Ahitofel le ki baa u ke, “Tɔ, taah fuu ni do na, ba aasurm aa ga tii timi?”

2 Samuel 17:7

Le Husai kii u ke, “Ahitofel aasurm mumina ma aa ŋan.

2 Samuel 2:7

Li kpa man lipobil ki li pɔɔ. Nimi aabɔr Sɔɔl kpo a, le Juda aanib di mi ŋa baabɔr.”

2 Samuel 20:3

David aah ti fuu waadichal ni, Jerusalem aatiŋ ni na, le u cha binib kii upuutiib waatiir kipiik bi u nan cha bi gaar puwɔb ke bi li kii libɔrdichal ngbaan na. U nan kpiini ki lik bi pu, ki mu aa nan ki doo bi chee. Baa nan ki nya lipaal, ki bi ke bikpopiib na la, ki ti saa baakun daal.

1 Bibɔrb 11:25

Solomonn aamɔfal mɔmɔk ni, Resonn nan ye Israel yaab aadin la.

1 Bibɔrb 2:17

Le u gar u ke, “Ŋaanii ki tuk Ubɔr Solomonn ke u di Abisag, usapɔɔn u nyan ni Sunem aatiŋ ni na tii mi, aan m di u ŋa mpuu. M nyi ke aa yaa len kan, waan yii.”

1 Bibɔrb 2:22

Le ubɔr baa u ke, “Ni ŋa kinye aan aa nan mee Abisag ke aa di tii u? Aa ga ŋmaa bui ke m di lijal mu tii u, ba pu? nkpel le ye u, le utotoor Abiatar ni Joab si uchaŋ ni.”

Liifai Yaab 18:8

Taa koo ki ti doon aate aapuutiib ubaa chee ki jinn aate inimɔɔn.

Liifai Yaab 20:11

Uja yaa koo ti doon ute aapuu chee kan, u jinn ute inimɔɔn la, le ni ga kpaan ki ku uja ni upii ngbaan mɔk bilee. Bima bilee ngbaan le ku bibaa.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

1 Korenti 5:1

Tɔ, bi tee len ke kininsuŋ aatuln bi nikaasisik ni, ke ni ponn ni ubaa gaa ute aapuu. Hali binib bi kaa dii Uwumbɔr aasan na aa ŋani kina.

1 Samuel 13:4

Israel yaab mɔmɔk nan ŋun ke Sɔɔl ku Filistia yaab aaninkpel, le Filistia yaab mɔmɔk nan gur nan bi. Kina pu le binib nan kii Sɔɔl aayim ngbaan, ki buen u chee Gilgal ni.

1 Samuel 27:12

Akis nan tii David naadii sakpen, le ki bui ubaa ke, “David aanib Israel yaab aah nan u sakpen pu na, u ga li ye maatutunn ki ti saa waakun daal.”