2 Samuel 16:16 - Uwumbɔr aagbaŋ

¹⁶ David aajɔnyaan Husai aah ton Absalom nsan ni na, le u teen ke, “Ubɔr li kpa limɔfafɔfɔŋ. Ubɔr li kpa limɔfafɔfɔŋ.”

2 Samuel 16:16 ပူးပေါင်းရင်းမြစ်များ

2 Samuel 15:32

David aah ti fuu lijool ngbaan paab, nin chee binib nan dooni Uwumbɔr na, le ujɔnyaan Husai, u nan ye Ak aanii na, ton u nsan ni, aan waawanpeenkaan mɔmɔk kar kar, le u di titan puŋ uyil.

2 Samuel 15:34

Aa yaa tee gir buen Jerusalem ponn ni, ki bui Absalom ke aa ga li tun tii u ki kii waamɔb, ke saah nan bi ute chee pu na kan, aa ga ŋmaa ter mi. Pɔɔn aabaa ki taa cha bi li keei tii Ahitofel aasurm mu u ga li tii u na.

2 Samuel 15:37

Kina pu le David aajɔ Husai gir buen Jerusalem ni, ki ti fuu n‑yoonn mu Absalom fuu ni nima na.

1 Bibɔrb 1:25

Din wee na, u buen ti di inaaja, ni ipiih, ni inaabi i bi kpiin i aan i filk sakpen na pam toor kitork. U chɔi aajapɔtiib, ni saajab aaninkpel Joab, ni utotoor Abiatar. Libuul lee ni, bi bi ji u chee njim ki tar ke, ‘Ubɔr Adonija li kpa limɔfafɔfɔŋ.’

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

1 Bibɔrb 4:5

Ŋipepel aaninkpiib aayidaan: Natann aajapɔɔn Asaria. Ubɔr aasusur: Natann aajapɔɔn Sabud u nan ye utotoor na.

2 Bibɔrb 11:12

Le Jehoyada di Joas nyan ni, le ki di kibɔryikpupuk chiŋ u, le ki di nnaan aakaal i joo nnaan na ŋum u. Le bi nan di nkpan kpir uyil pu ki kaan u nnaan. Binib nan kpaar biŋaal le ki teen ke: “Limɔfafɔfɔŋ li bi ubɔr chee.”

Daniel 2:4

Le bi gar ubɔr ngbaan Aram yaab aaliin ponn ni ke, “Uwumbɔr tii mpɔɔndaan limɔfal li fɔk na. Tuk timi saadaŋ ngbaan, aan ti ti kpiir taatataa tuk si.”

Daniel 5:10

Le ubɔr aana nan ŋun kifuuk ki ubɔr ni waaninyuum nan faa na pu, le ki koo ni bi chee njim aadiik ngbaan ni, le ki bui ke, “Uwumbɔr tii mpɔɔndaan limɔfal li fɔk na. Taa cha ni li muk si sakpen kina aan aawon yɔl.

Daniel 6:21

Le Daniel kii ke, “Uwumbɔr tii mpɔɔndaan limɔfal li fɔk na.

Daniel 6:6

Kina pu le bi nan buen ti kan ubɔr ki bui u ke, “Ubɔr Darius, Uwumbɔr tii si limɔfal li fɔk na.

Matiu 21:9

Le binib bi loln u pu nsan na, ni binib bi paa puwɔb na nan bi tar ke, “Hosiana, pakn Ubɔr David Aayaabil man. Uwumbɔr ŋa tinyoor ŋa unii u choo waayimbil ni na pu. Hosiana bi paacham.”

1 Samuel 10:24

Le Samuel bui binib ngbaan ke, “Uja u Uwumbɔr lee u na sɔ. Ubaa aa ki bi ti ponn ni ke uma na.” Le binib ngbaan mɔmɔk teen ke, “Uwumbɔr tii ubɔr na limɔfal li fɔk na.”