2 Samuel 16:12 - Uwumbɔr aagbaŋ

¹² Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

2 Samuel 16:12 ပူးပေါင်းရင်းမြစ်များ

2 Samuel 16:13

Le David ni waajab beenin chuun cha. Simei mu nan beenin dii bi, ki chuun kpak lijool ngbaan; u nan puuni le ki mae bi ŋitakpal ni titan.

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 109:28

Bi ga li puuni timɔpur lir m pu, le aa ma ga li ŋani saanyoor ŋani m pu. Cha binib bi muk mi na lir, ki cha min, saatutunn, kan mpopiin.

Ilahn 132:1

Uwumbɔr, taa suln David, ni waah nan jin falaa u mɔmɔk na pu.

Ilahn 25:18

Lik maasuubiin, ni maafalaa wee, ki di maatunwanbir mɔmɔk cha pinn mi.

Ŋiyataŋak 25:22

N‑yoonn ngbaan le inimɔɔn ga ku u, le Uwumbɔr ga ŋa waanyoor ŋa aa pu.

Ŋiyataŋak 26:2

Aa yaa kaa tun taani kan, imɔpuur aan ŋmaa chuu si. Ti naahn inyoon i laani kaan kal busub paab na la.

Aisaya 27:7

Uwumbɔr aa daa Israel yaab aatafal sakpen ke waah daa baadim aatafal pu na, ki mu aanib pam aa kpo ke baadim na.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Ikaal 23:5

Le Nidindaan Uwumbɔr aa nan kii tii Balaam. Nidindaan Uwumbɔr aah gee nimi na, u nan cha waah len pu na kpaln tinyoor le ki tii nimi.

Ikaal 23:6

Naah ye litimbol ki kpa limɔfal na, ni taa ter ŋitimbol ngbaan ke ŋi kan tinyoor.

2 Tesalonika 1:7

ki tii timi ni nimi bi ji falaa na lifuur. Ti ga kan lifuur ngbaan bundaln Tidindaan Yesu ga nyan ni paacham ki mɔk waah bi pu na. U ni waatuuntiib ga nyan ni paacham ni mpɔɔn,

Hiibru Yaab 12:10

Taah nan ye mbim buyoonn na, titetiib nan dar titafal, baah gee pu na. Uwumbɔr ma kan, u dar titafal ke u ŋa timi tinyoor, aan ti yakr waabimbin mu bi chain na la.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”