2 Samuel 16:11 - Uwumbɔr aagbaŋ

¹¹ Le David ki bui Abisai ni waajab aaninkpiib bi gur na mɔmɔk ke, “Min mbaa aajapɔɔn le bi ban ke u ku mi na, kina pu na, ni ga ŋa kinye ki li kpa iwaan ke Benjaminn aamaal aanii li seei mi? Uwumbɔr le bui u ke u li puuni lir m pu; kina pu na, di cha u man, ki cha u li ŋani.

2 Samuel 16:11 ပူးပေါင်းရင်းမြစ်များ

Mpiin 15:4

Le u ki ŋun Uwumbɔr len ke: “Saanaagbiija Elieser aan ji saafaal; see aaponn ni aabo le ga ji saafaal.”

Mpiin 45:5

Tɔ, naah nan kooh mi na, ni taa cha nisui bii, ki taa galn nibaa naah ŋa pu na. Ni ye mbamɔn ke Uwumbɔr le nan cha m dan do, ke binib pam ŋmar m pu.

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

2 Samuel 7:2

Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

2 Bibɔrb 19:37

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Ilahn 109:28

Bi ga li puuni timɔpur lir m pu, le aa ma ga li ŋani saanyoor ŋani m pu. Cha binib bi muk mi na lir, ki cha min, saatutunn, kan mpopiin.

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 20:25

“M nan ki di ikaal i kaa ŋan, ni mmɔkm mu kaa tii limɔfal na le tii bi.

Matiu 10:21

“Binib ga di binaabitiib ŋa binib aaŋaal ni, ke bi ti ku bi. Tetiib mu ga di baabim ŋa binib aaŋaal ni, ke bi ti ku bi. Binib mu ga yii bitetiib ni binatiib, ki cha binib ku bi.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.