2 Samuel 16:10 - Uwumbɔr aagbaŋ

¹⁰ Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

2 Samuel 16:10 ပူးပေါင်းရင်းမြစ်များ

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

2 Samuel 19:22

Le David bui Abisai, ni ukpel Joab ke, “Ŋma baa nimi tibɔr? Ni ban ni tii mi tibɔr la aa? Min le ye Israel yaab aatiŋ aabɔr dandana wee, kaan cha Israel aanii ubaa kpo din wee.”

2 Samuel 19:23

Le u bui Simei ke, “Saan kpo,” le ki puu tipuur kina pu.

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

1 Bibɔrb 2:5

“Tibɔr tibaa ki bi ki kpee. Aa teer Joab aah nan ŋa mi tiwan ni na. U nan ku Israel aajab aaninkpiib bilee: bima le ye Ner aajapɔɔn Abner, ni Jeter aajapɔɔn Amasa. Aa nyi ke u nan ku bi nsuudoon aayoonn, ke u di teen baah nan ku binib butɔb yoonn pu na. U nan ku binib bi kaa tun taani na, le min le ye waah tun taani u na aabɔr, le ki ki jin kina aafalaa.

2 Bibɔrb 18:25

Ni dak ke m di mbaa aapɔɔn le ki nan tak nimi aatiŋ ki kuln ki, kaa ye Uwumbɔr aaterm aa? Uwumbɔr ubaa le bui mi ke m nan tak ki, ki kuln ki.”

Job Aagbaŋ 9:12

U yoor tiwan ni u ban na la, le ubaa aa ŋmaa chuu u; ubaa aan kaa ki baa u ke, “Aa ŋani ba?”

Ilahn 39:9

M ga li ŋmin, kaan len tibaa, ba pu? Sin le cha m ji falaa wee.

Ulandaan 8:4

Ubɔr joo mpɔɔn le tun, le ubaa aan ŋmaa kpak u.

Inandalahn 3:37

Uwumbɔr aageehm baanja le tun lituln.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Matiu 16:23

Le Yesu fenn lik Piita le ki bui u, “Kinimbɔŋ, siir foor m chee. Aa ye lisugeln la, le ki lek mi nsan. Aa dak ke unibɔn aah dak pu na la, kaa dak ke Uwumbɔr aah dak pu na.”

Matiu 8:29

Baah kan Yesu na, le bi teen ke, “Sin, Uwumbɔr Aajapɔɔn, aa ban ba ti chee? Aa dan do ke aa nan ŋa timi falaa n‑yoonn aah kaa kee ŋeer buyoonn aa?”

Jɔnn 18:11

Le Yesu bui Piita, “Di saajuk ngbaan fu kijuchook ni. M taa ji falaa u Nte Uwumbɔr siin mi na aa?”

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.