2 Samuel 15:27 - Uwumbɔr aagbaŋ

²⁷ le ki bui Sadok ke, “Saa ye Uwumbɔr aabɔnabr aa? Cha aajapɔɔn Ahimaas, ni Abiatar aajapɔɔn Jonatann li dii si cha kitiŋ ponn ni, ki li kpa nsuudoon.

2 Samuel 15:27 ပူးပေါင်းရင်းမြစ်များ

2 Samuel 15:34

Aa yaa tee gir buen Jerusalem ponn ni, ki bui Absalom ke aa ga li tun tii u ki kii waamɔb, ke saah nan bi ute chee pu na kan, aa ga ŋmaa ter mi. Pɔɔn aabaa ki taa cha bi li keei tii Ahitofel aasurm mu u ga li tii u na.

2 Samuel 15:36

Bijapɔtiib Ahimaas ni Jonatann bi bi chee, le aa ga ŋmaa di tibɔr timɔk aa ŋun na tun ni bi m chee.”

2 Samuel 17:17

Abiatar aajapɔɔn Jonatann ni Sadok aajapɔɔn Ahimaas nan bi Enn Rogel aayayak aanyunbun na chee, Jerusalem aanambokon ni, le ki kii; baa ban ke unii ubaa kan bi koo ni Jerusalem ponn ni. Unaagbiipiibo ubaa le nan chaa ti tuk bi naah bi pu na, le bi mu buen ti bui Ubɔr David.

2 Samuel 18:19

Le Sadok aajapɔɔn Ahimaas bui Joab ke, “Cha m san ti bui ubɔr tibɔnyaan tee, ke Uwumbɔr gaa u lii waadim chee.”

2 Samuel 24:11

Le Uwumbɔr bui waabɔnabr Gad u nan bi David aayoonn ngbaan na ke, “Li cha ti tuk David ke maah ga daa utafal pu na, m ga cha u lee ntafadaan mutaa ponn ni, ki ga ŋa u waah lee pu na.” David aah nan finn kitaak ki ki woln na,

1 Bibɔrb 1:42

Waa kee len doo, le utotoor Abiatar aajapɔɔn Jonatann fuu ni. Le Adonija bui u ke, “Koo ni, aa ye uninyaan la, aa ga li joo ni tibɔnyaan la.”

1 Bibɔrb 4:15

Ahimaas, u nan yoor Solomonn aabisal uken, bi yin u ke Basemaf na, le nan yeh Naftali aapepel.

1 Bibɔrb Aabɔr 25:5

Uwumbɔr aah nan puu ke u ga cha waabɔnabr Hemann u joo waabɔr nabr ubɔr na kan mpɔɔn na, le u nan tii u mbijabim kipiik ni binaa mue ni mpiibim mutaa mu.

1 Bibɔrb Aabɔr 6:8

ni Sadok, ni Ahimaas,

1 Samuel 9:6

Le ututunn ngbaan gar u ke, “Cha m dan waahr. Uja ubaa bi kitiŋ kee ponn ni ki ye Uwumbɔr aanii, le binib mɔmɔk nyuŋni u; ba pu? waah len pu na mɔmɔk gbiini la. Cha ti buen u chee; nibaakan u ga ŋmaa mɔk timi nin chee ibon ngbaan bi na.”

1 Samuel 9:9

Le Sɔɔl kii u ke, “Ti ŋan. Ti li cha.” Le bi siir buen kitiŋ ki ponn ni Uwumbɔr aanii ngbaan koo na. Baah bi joi ligongoln ki cha kitiŋ ngbaan ni na, le bi ton bisapɔm bibaa nsan ni, bi nan cha bi ti lu nnyun. Le bi baa bisapɔm ngbaan ke, “Ukakann na bi kitiŋ ni ii?” N‑yoonn ngbaan bi nan yin Uwumbɔr aabɔnabr ke ukakann la, kina pu na, unii yaa nan ban u baa Uwumbɔr mbaa kan, u ga bui le ki, “Cha ti buen ukakann na chee.”