2 Samuel 15:2 - Uwumbɔr aagbaŋ

² Kichakpiik mɔk ni kan, le u fii mala ki ti bi kitiŋ ngbaan aasan aabisamɔb chee. Unii umɔk yaa ti kpa tibɔr ki joo choo ubɔr chee ke bi nan len ti na kan, le Absalom ti yin u ki baa u ke u bee waah nyan nin chee na. Udaan yaa ti bui u waah nyan ni linibol li ponn ni na kan,

2 Samuel 15:2 ပူးပေါင်းရင်းမြစ်များ

Mpiin 34:20

Le Hamor ni ujapɔɔn Sekem nan buen bido yaab aaninkpiib aah kaa nin chee ki kpokl tibɔr na, le ki ti tuk bi Jakob ni ujapɔtiib aah len pu na mɔmɔk.

2 Samuel 19:8

Le ubɔr fii, ki ti kal kitiŋ ngbaan aabisamɔb chee. Waajab nan ŋun ke u bi nima, le bi mɔmɔk kuun ti goln u. N‑yoonn mue na, Israel yaab mɔmɔk nan san, uja mɔk san cha udo.

2 Bibɔrb Aabɔr 10:7

Le bi bui u ke, “Aa yaa kpa binib bee pu tiŋann ki tii bi ngarm mu ga piir bisui na kan, bi ga li dii si mbamɔm.”

Job Aagbaŋ 24:14

Lichakpitaawoln le unikur finn ki cha u ti ku bigiim, le kinyeek kan, u su.

Nnyam 18:14

N‑yoonn mu Jetro kan Moses aah tun pu aan ni ti mue u na, le u baa u ke, “Ba le aa bi ŋani saanib ngbaan chee, ni ti saa kinyeek kina? Ba ŋa aa bi ŋani nimina mɔmɔk aabaa, aan binib ngbaan si ke bi kan si, kichakpiik ni, ki ti saa kinyeek?”

Nnyam 18:16

N‑yoonn mu binib bilee kpa kinikpakpak na, bi ga dan m chee, le m bee u aabɔr ŋan na, le ki tuk bi Uwumbɔr aakaal, ni waah ban pu na.”

Nnyam 18:26

Bi nan tun libɔjil aatuln binib ngbaan chee n‑yoonn mɔmɔk, le ki tee joo ni tibɔr ti pɔɔ na Moses chee, le ki toor tibɔr ti kaa pɔɔ na bibaa.

Ŋiyataŋak 4:16

Bibiindam yaa kaa tun titunwanbir kan, baa geeni. Bi yaa kaa tii ubaa titotonn kan, bi dɔ waa la.

Daniel 11:21

Le Uwumbɔr aatuun ngbaan ki kpiir tuk mi ke: “Siria yaab aabɔr u ga paan ni na ga li bir pam, kaan li kpa nsan ke u ji nnaan, le ki mu tee ga di beebee nyan ni, ubaa aan li nyi u bɔr, le ki nan gaa nnaan ngbaan.

Matiu 27:1

Ki woln kitaak le Uwumbɔr aatotoorninkpiib ni Juu yaab aaninkpiib mɔmɔk kpokl baah ga ŋa pu ki ku Yesu na.

Ikaal 17:8

“Nibaakan, tibɔr tibaa ga li pɔɔ, le bibɔjirb bi bi itingbaan ni na aan ŋmaa toor ti. Ni yaa ye nkun, bee kijaak, bee ubaa yaa tii uken titotonn, bee ubaa yaa gaa uken aawangol kan, ni di kina aabɔr buen nin chee Nidindaan Uwumbɔr nyan aan ni mɔmɔk dooni u na,

Ruf Aagbaŋ 4:1

Boas nan buen nin chee kitiŋ ngbaan ponn ni aanib kuun ni ki kpokl tibɔr kitiŋ ngbaan aabisamɔb chee na, le ki ti kal nima. Le Elimelek aado aanii chob chob, u Boas ba len waabɔr na, nan jer nima chee, le Boas yin u ke, “Njɔ, dan do, ki nan kal.” Le u buen ti kal.