2 Samuel 15:10 - Uwumbɔr aagbaŋ

¹⁰ ki tee tun ituun buen Israel aanibol mɔmɔk chee ke, “Ni yaa nan ŋun ikpiin wii kan, ni teen ke, ‘Bi kaan Absalom nnaan Hebronn aatiŋ ni.’”

2 Samuel 15:10 ပူးပေါင်းရင်းမြစ်များ

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

2 Samuel 14:30

Le Absalom bui waatutum ke, “Ni kan ke Joab aakpaakon le paa maakpaakon pu, le njikaabim bi mu ponn ni. Buen ti see bu lii man.” Le bi buen ti see bu lii.

2 Samuel 15:9

Le ubɔr bui u ke, “Li cha ni nsuudoon.” Le Absalom buen Hebronn ni,

2 Samuel 19:10

Ti di Absalom kaan ke timi aabɔr, le bi ku u butɔb ni. Kina pu na, ba ŋa ubaa aan pɔɔn ubaa ki giin ni Ubɔr David?”

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

2 Samuel 2:11

le u nan kal nnaan aajal pu, Hebronn aatiŋ ni, ki joo Juda yaab ki ti saa ŋibin ŋilole ni iŋmal iloob.

2 Samuel 5:5

Waah nan bi Hebronn ponn ni ki joo Juda aatiŋ aanib na, nan ye ŋibin ŋilole ni iŋmal iloob la, le ki koo Jerusalem mu ponn ni, ki joo Israel ni Juda aatim mɔmɔk aanib, ki ti saa ŋibin piitaa ni ŋitaa.

1 Bibɔrb 1:11

Le Natann buen Solomonn aana Batseba chee, le ki ti baa u ke, “Saa ŋun ke Hagif aajapɔɔn Adonija kaan ubaa tibɔr aa? Le Ubɔr David aa nyi ti ponn ni.

1 Bibɔrb 1:34

Nima chee, Sadok, ni Natann di nkpan kpir uyil pu, ki kaan u Israel yaab aabɔr, le ki pii ukpiin ki teen mpɔɔn pu ke, ‘Ubɔr Solomonn li kpa limɔfafɔfɔŋ.’

2 Bibɔrb 9:13

Libuul ngbaan ni le Jehu aaŋeen aatɔtiib bininkpiib ngbaan di tiwanpeenkaan ni bi pee paab na ter ŋibimbin ŋi pu bi taar joi paacham aadiik ni na ke Jehu taa ni pu, le ki pii kakaan tiib ki teen ke, “Jehu le ye ubɔr.”

1 Bibɔrb Aabɔr 11:3

Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

1 Bibɔrb Aabɔr 12:23

David aah nan bi Hebronn aatiŋ ni na, le bijab bi bae ki nyi butɔb aabɔr mbamɔm na dan nan kpee u pu, ke bi nyan Sɔɔl ki di u ŋa ubɔr, Uwumbɔr aah nan puu pu na. Baawiwiir sɔ: Juda aanibol ni aajab bi nan kpa tijawan mbamɔm na, nan ye bijab ŋichur ŋiloob ni ikui iniin la. Bi mɔmɔk nan kpa kijaak aapen ni tikpaatunn la; Simeonn aanibol ni aajab bi nan bae ki nyi butɔb aabɔr mbamɔm na, nan ye bijab ŋichur ŋilole ni nkub la; Liifai yaab nan ye bijab ŋichur ŋinaa ni ikui iloob la; Aaronn aayaabil Jehoyada aadidiliib nan ye bijab ŋichur ŋitaa ni ikui ilole la; Sadok, u nyi kijaak aabɔr pam na aado yaab nan ye bisalolm moninko ni bilee la; Benjaminn aanibol, Sɔɔl ubaa aanibol ni aajab nan ye bijab ŋichur ŋitaa la. Benjaminn aanibol ni aanib pam le nan beenin si Sɔɔl aachaŋ ni; Efraim aanibol ni aajab nan ye bijab ŋichur moninko ni ikui iniin la. Bi mɔmɔk nan ye bijakpaam le baataŋaal ni; Manase aanibol li bi liwilir wɔb na aajab nan ye bijab ŋichur kipiik ni ŋiniin la. Bi nan lee bi ke bi ti ŋa David ubɔr la; Isakar aanibol ni bisalolm nan ye ikui ilee la, le ki joo ni baajab kpee; bisalolm bimina le nan nyi Israel yaab aah ga ŋa pu na, ni buyoonn bi ga ŋa kina na; Sebulunn aanibol ni aajab bi nan bae ki nyi tijawan mɔmɔk aabɔr, aan bi ga ŋmaa nyu bi pu kaafa na, nan ye bijab ŋichur piiŋmu la; Naftali aanibol ni, bisalolm lichur, ni bijab bi kpa kijaak aapen ni tikpaatunn na, ŋichur piitaa ni ŋilole; Dann aanibol ni aajab bi nan nyi butɔb aabɔr mbamɔm na nan ye bijab ŋichur moninko ni ŋiniin ni ikui iloob la. Aser aanibol ni aajab bi nan gor ki kii butɔb na nan ye bijab ŋichur imonko ilee la; Ŋinibol ŋi bi Jɔɔdann aamɔɔl aawipuul wɔb, ki ye Rubenn, ni Gad, ni Manase aanibol li bi nima na aajab bi bae ki nyi tiwan mɔmɔk aabɔr mbamɔm na, nan ye bijab ŋichur nkub ni moninko la.

1 Bibɔrb Aabɔr 12:38

Bijab bee mɔmɔk nan gor ki kii butɔb la, le ki buen David chee Hebronn ni, ki joo gbin gbin ke bi ti ŋa u Israel mɔmɔk aabɔr. Israel aanib bi mɔmɔk nan gur na nan ŋa kimɔbaan, nlandakbaan ngbaan pu la.